ಮೌಢ್ಯ ಹೆಚ್ಚಿಸುವ ಜಾಹೀರಾತು: ಕಾನೂನು ಕ್ರಮ ಕೈಗೊಳ್ಳಲು ಲಾ ಪೀಪಲ್ ಟ್ರಸ್ಟ್ ಆಗ್ರಹ

ಬೆಂಗಳೂರು: ಮಂತ್ರ, ತಂತ್ರ, ವಶೀಕರಣ, ವಾಮಾಚಾರದ ಮೂಲಕ ಸಮಾಜದಲ್ಲಿ ಮೌಢ್ಯ ಹೆಚ್ಚಿಸುವ
ಜಾಹೀರಾತುಗಳನ್ನು ಮಾಧ್ಯಮಗಳು ಸೇರಿದಂತೆ ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಕಟಣೆಗೆ ನೀಡುತ್ತಿರುವವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಲಾ ಪೀಪಲ್ ಟ್ರಸ್ಟ್ ಆಗ್ರಹಿಸಿದೆ. 

ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಟ್ರಸ್ಟ್‌ನ ಕಾರ್ಯದರ್ಶಿ ಗೋವರ್ಧನ್ ಸಿ., ‘ಇತ್ತೀಚೆಗೆ ಕೆಲವು ಜೋತಿಷಿಗಳು, ಮಾಂತ್ರಿಕರು, ಬಾಬಾಗಳು, ಸ್ವಾಮೀಜಿಗಳ ವೇಷಧರಿಸಿ ಸಾಮಾಜಿಕ ಮಾಧ್ಯಮ
ಗಳಲ್ಲಿ ಸಾರ್ವಜನಿಕರನ್ನು ಉದ್ದೇಶಿಸಿ ಸ್ತ್ರೀ ವಶೀಕರಣ, ಸತಿಪತಿ ಕಲಹ, ವ್ಯಾಪಾರ ಉದ್ಯೋಗದ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತೇವೆ ಎಂಬ ಜಾಹೀರಾತುಗಳನ್ನು ನೀಡುತ್ತಿದ್ದಾರೆ. ಆದ್ದರಿಂದ ಇಂತಹವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವಂತೆ ಬೆಂಗಳೂರು ನಗರ ಪೊಲೀಸ್‌ ಕಮಿಷನರ್‌ಗೆ ದೂರು ನೀಡಲಾಗಿದೆ’ ಎಂದು ಮಾಹಿತಿ ನೀಡಿದರು