ಬೆಂಗಳೂರು: ಹಾಪ್ಕಾಮ್ಸ್ ವತಿಯಿಂದ ಇದೇ 17 ರಂದು ಹಡ್ಸನ್ ವೃತ್ತದ ಹಾಪ್ಕಾಮ್ಸ್ ಶೀತಲಗೃಹದ ಆವರಣದಲ್ಲಿ ಮಾವು ಮತ್ತು ಹಲಸು ಮಾರಾಟ ಮೇಳವನ್ನು ಆಯೋಜಿಸಲಾಗಿದೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಂಸ್ಥೆಯ ಅಧ್ಯಕ್ಷ ಎ.ಎಸ್.ಚಂದ್ರೇಗೌಡ, ‘ರೈತರು ಬೆಳೆದಂತಹ ಮಾವು ಮತ್ತು ಹಲಸಿಗೆ ಉತ್ತಮ ಮಾರುಕಟ್ಟೆ ಕಲ್ಪಿಸುವ ನಿಟ್ಟಿನಲ್ಲಿ ಈ ವರ್ಷವೂ ಮೇಳವನ್ನು ಆಯೋಜಿಸಲಾಗಿದೆ. ಶೇ 10ರಷ್ಟು ರಿಯಾಯಿತಿ ದರದಲ್ಲಿ ಮಾರಾಟ ಮಾಡಲಾಗುವುದು‘ ಎಂದರು
‘ರಾಜ್ಯದಲ್ಲಿ ಬೆಳೆಯುವ ಮಾವಿನ ತಳಿಗಳಾದ ಬಾದಾಮಿ, ರಸಪುರಿ, ಮಲ್ಲಿಕಾ, ಸೇಂದೂರ, ಬಂಗನ್ಪಲ್ಲಿ, ಸಕ್ಕರೆಗುತ್ತಿ, ಕಾಲಾಪಾಡು, ಮಲಗೋಬಾ, ತೋತಾಪುರಿ, ನೀಲಂ, ಅಮ್ರಪಾಲಿ, ಕೇಸರ್, ದಾಶೆರಿ ಮೇಳದಲ್ಲಿ ಲಭ್ಯ ಇರಲಿವೆ. ಈ ಹಣ್ಣುಗಳು ಮಾಗುವಂತೆ ಮಾಡಲು ರಾಸಾಯನಿಕಗಳನ್ನು(ಕಾರ್ಬೈಡ್) ಬಳಸುವುದಿಲ್ಲ‘ ಎಂದು ಹೇಳಿದರು.
‘ಸ್ವಾತಂತ್ರ ಹೋರಾಟಗಾರ ಎಚ್.ಎಸ್.ದೊರೆಸ್ವಾಮಿ ಅವರು ಬೆಳಿಗ್ಗೆ 10.30 ಕ್ಕೆ ಈ ಮೇಳ ಉದ್ಘಾಟಿಸಲಿದ್ದಾರೆ, ಚಲನಚಿತ್ರ ನಿರ್ದೇಶಕ ಬಿ.ಎಸ್.ಲಿಂಗದೇವರು ಅವರು ಮುಖ್ಯ ಅತಿಥಿಯಾಗಿ ಪಾಲ್ಗೊಳ್ಳಲಿದ್ದಾರೆ‘ ಎಂದು ಅವರು ತಿಳಿಸಿದರು.
ಮಾವಿನ ಹಣ್ಣುಗಳ ದರ ಪಟ್ಟಿ (ಪ್ರತಿ ಕೆ.ಜಿ.ಗೆ ₹ )
*ಬಾದಾಮಿ – 80
*ರಸಪುರಿ – 65
*ಅಮ್ರಪಾಲಿ – 78
*ಬಂಗನ್ಪಲ್ಲಿ – 65
*ತೋತಾಪುರಿ – 28
*ಕೇಸರಿ – 75
*ಮಲ್ಲಿಕಾ – 80
*ಮಲಗೋಬಾ– 110
*ಸಕ್ಕರೆ ಗುತ್ತಿ – 80
*ಕಾಲಾಪಾಡು – 80
*ದಾಶೆರಿ – 85
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.