‘ಪೊಲೀಸ್’ ಸ್ಟಿಕ್ಕರ್; ಸವಾರನಿಗೆ ದಂಡ

ಬೆಂಗಳೂರು: ದ್ವಿಚಕ್ರ ವಾಹನಕ್ಕೆ ದೋಷಪೂರಿತ ನೋಂದಣಿ ಫಲಕ ಹಾಕಿ, ಅದರ ಮೇಲೆ ‘ಪೊಲೀಸ್’ ಎಂಬ ಸ್ಟಿಕ್ಕರ್ ಅಂಟಿಸಿದ್ದ ಸವಾರ ಕುಮಾರ್ ಎಂಬಾತನಿಗೆ ಕೆ.ಆರ್. ಪುರ ಸಂಚಾರ ಪೊಲೀಸರು ₹2,000 ದಂಡ ವಿಧಿಸಿದ್ದಾರೆ.

‘ಆಂಧ್ರಪ್ರದೇಶ ಚಿತ್ತೂರಿನ ‌ಕುಮಾರ್, ಉದ್ಯೋಗ ಹುಡುಕಿಕೊಂಡು ನಗರಕ್ಕೆ ಬಂದಿದ್ದ. ತನ್ನ ದ್ವಿಚಕ್ರ ವಾಹನದ ಮೇಲೆ ‘ಪೊಲೀಸ್’ ಎಂಬ ಸ್ಟಿಕ್ಕರ್ ಹಾಕಿಕೊಂಡು ಓಡಾಡುತ್ತಿದ್ದ. ಕೆ.ಆರ್. ಪುರ ಕೆರೆ ಬಳಿ ವಾಹನ ತಡೆದಿದ್ದ ಸಬ್ ಇನ್‌ಸ್ಪೆಕ್ಟರ್ ನಿಜಾಮುದ್ದಿನ್, ತಪಾಸಣೆ ನಡೆಸಿ ದಂಡ ಹಾಕಿದ್ದಾರೆ’ ಎಂದು ಹಿರಿಯ ಅಧಿಕಾರಿ ಹೇಳಿದರು.