ಹಾ.ಮೈ. ಸೂರಿ

ಬೆಂಗಳೂರು: ನಗರದ ಪದ್ಮನಾಭನಗರ ನಿವಾಸಿ, ಹಾಸ್ಯ ಬರಹಗಾರ ಎಚ್.ಎಂ. ಸೂರ್ಯನಾರಾಯಣ (85) ಅವರು ಹೃದಯಾಘಾತದಿಂದ ಡಿ.20ರಂದು ನಿಧನರಾದರು.

ರೈಲ್ವೆ ಇಲಾಖೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಅವರು, ನಿವೃತ್ತಿಯ ನಂತರ ಹಾಸ್ಯ ಬರಹಗಾರ, ಚುಟುಕು ಲೇಖನಕಾರರಾಗಿಯೇ ಗುರುತಿಸಿಕೊಂಡಿದ್ದರು. ಹಾ. ಮೈ. ಸೂರಿ ಎಂದೇ ಪ್ರಚಲಿತರಾಗಿದ್ದ ಅವರು ನಾಲ್ಕು ದಶಕಗಳಿಂದ ಪ್ರಜಾವಾಣಿ, ಸುಧಾ, ಮಯೂರ ಸೇರಿದಂತೆ ಅನೇಕ ದಿನಪತ್ರಿಕೆ, ವಾರ ಪತ್ರಿಕೆ ಹಾಗೂ ಮಾಸ ಪತ್ರಿಕೆಗಳಿಗೆ ಹಾಸ್ಯ ಲೇಖನ ಬರೆಯುತ್ತಿದ್ದರು.

ಅವರಿಗೆ ಪತ್ನಿ, ಪುತ್ರ ಹಾಗೂ ಪುತ್ರಿ ಇದ್ದಾರೆ.