ಉದ್ಯಾನದಲ್ಲಿ ಸ್ವಚ್ಛತಾ ಕಾರ್ಯಕ್ರಮ

ಕೆ.ಆರ್.ಪುರ: ರೀಚಿಂಗ್‌ ಹ್ಯಾಂಡ್‌ ಸಂಸ್ಥೆ ಹಾಗೂ ನಾಗಾ ಸ್ಟೂಡೆಂಟ್ಸ್ ಫೆಡರೇಶನ್‌ ಸಹಯೋಗದಲ್ಲಿ ಬಾಣಸವಾಡಿಯ ಡಾ. ರಾಜ್‌ಕುಮಾರ್‌ ಉದ್ಯಾನದ ಸ್ವಚ್ಛತಾ ಕಾರ್ಯಕ್ರಮ ಭಾನುವಾರ ನಡೆಯಿತು.

ಎರಡೂ ಸಂಸ್ಥೆಗಳ ಸ್ವಯಂಸೇವಕರು ಈ ಸ್ವಚ್ಚತಾ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಉದ್ಯಾನದಲ್ಲಿ ಎಲ್ಲೆಂದರಲ್ಲಿ ಎಸೆದಿದ್ದ ಕಸ ಸ್ವಚ್ಛಗೊಳಿಸುವುದರ ಜೊತೆಗೆ ನೂರಕ್ಕೂ ಹೆಚ್ಚು ಗಿಡಗಳನ್ನು ನೆಡಲಾಯಿತು. ಪ್ರತಿಯೊಬ್ಬರೂ ಪರಿಸರ ಸಂರಕ್ಷಿಸಬೇಕು ಎಂದು ಸಾರ್ವಜನಿಕರಲ್ಲಿ ಮನವಿ ಮಾಡಿದರು.

ರೀಚಿಂಗ್‌ ಹ್ಯಾಂಡ್‌ ಸಂಸ್ಥೆಯ ಸಂಪನ್ಮೂಲ ವ್ಯಕ್ತಿ ಅರುಣ್ ಜೋಸ್, ನಾಗಾ ಸ್ಟೂಡೆಂಟ್ಸ್ ಫೆಡರೇಶನ್‌ ಅಧ್ಯಕ್ಷ ನುಂಗಸಂಗ್‌ ಮೊಂಗ್ಲ, ಕಾರ್ಯದರ್ಶಿಗಳಾದ ಶಿಯಾನಿ, ಶಿಬ್ಬು, ಶ್ಯಾಮ್ ಸುಂದರ್‌ ಭಾಗವಹಿಸಿದ್ದರು.