ಖಾಸಗಿ ಕಂಪನಿಗಳಿಗೆ ಅನುಮತಿ : ಪ್ರತಿಭಟನೆ ಇಂದು

ಬೆಂಗಳೂರು: ಬೆಳ್ಳಂದೂರು ಮತ್ತು ಹೊರ ವರ್ತುಲ ರಸ್ತೆ ಸುತ್ತಮುತ್ತ ಖಾಸಗಿ ಕಂಪನಿಗಳನ್ನು ತೆರೆಯಲು ಸರ್ಕಾರ ಅನುಮತಿ ನೀಡುತ್ತಿರುವುದನ್ನು ವಿರೋಧಿಸಿ ಮಂಗಳವಾರ ಪ್ರತಿಭಟನೆ ನಡೆಸಲಿದ್ದಾರೆ.

‘ತೀವ್ರ ಜನದಟ್ಟಣೆ ಇರುವ ಈ ಪ್ರದೇಶಕ್ಕೆ ಮೆಟ್ರೊ ಮಾರ್ಗವಿಲ್ಲ. ಎಲಿವೇಟೆಡ್ ಕಾರಿಡಾರ್ ಯೋಜನೆ ಸ್ಥಗಿತಗೊಂಡಿದೆ. ಬಸ್ ಸೌಕರ್ಯ ಸಮರ್ಪಕವಾಗಿಲ್ಲ, ಉಪನಗರ ರೈಲು ಯೋಜನೆ ಸಂಪರ್ಕವಿಲ್ಲ. ಆದರೂ, ಹಲವು ಕಂಪನಿಗಳಿಗೆ ಅನುಮತಿ ನೀಡಲಾಗುತ್ತಿದೆ. ಒಂದು ಕಂಪನಿ ತಲೆ ಎತ್ತಿದರೆ ಕನಿಷ್ಠ 5 ಸಾವಿರ ಜನ ಈ ಭಾಗದಲ್ಲಿ ಸಂಚರಿಸಲಿದ್ದಾರೆ’ ಎಂದು ನಿವಾಸಿ ಶಾಲಿನಿ ಸುಶೀಲಾ ಹೇಳಿದರು.

ಸಾರಿಗೆ ಸಂಪರ್ಕ ಹೆಚ್ಚಿಸದೆ ಕಂಪನಿಗಳಿಗೆ ಅನುಮತಿ ನೀಡಬಾರದು ಎಂದು ಒತ್ತಾಯಿಸಿ ಆರ್‌ಎಂಜಡ್ ಇಕೋವರ್ಲ್ಡ್‌ ಬಳಿಯಿಂದ ರಿಂಗ್ ರಸ್ತೆಯ ಬೆಳ್ಳಂದೂರು ಜಂಕ್ಷನ್ ತನಕ ಮಾನವ ಸರಪಳಿ ನಿರ್ಮಿಸಲಾಗುವುದು ಎಂದು ಅವರು ತಿಳಿಸಿದರು.