ದರೋಡೆಗೆ ಸಂಚು: ಐವರ ಬಂಧನ

ಬೆಂಗಳೂರು: ದರೋಡೆಗೆ ಸಂಚು ರೂಪಿಸುತ್ತಿದ್ದ 5 ಮಂದಿಯನ್ನು ಸಿಸಿಬಿ ಸಂಘಟಿತ ಅಪರಾಧ ದಳದ (ಪಶ್ಚಿಮ) ಅಧಿಕಾರಿಗಳು ಬಂಧಿಸಿದ್ದಾರೆ.

‘ಬಸವೇಶ್ವರನಗರ ಪೊಲೀಸ್‌ ಠಾಣೆ ವ್ಯಾಪ್ತಿಯ ಕಮಲಾನಗರ ಬಿಬಿಎಂಪಿ ಉದ್ಯಾನದ ಬಳಿಯ ಮೇಲ್ಸೇತುವೆ ಹತ್ತಿರ ಆರೋಪಿಗಳು ಗುಂಪು ಸೇರಿದ್ದರು. ಈ ಕುರಿತ ಮಾಹಿತಿ ಆಧರಿಸಿ ದಾಳಿ ನಡೆಸಲಾಗಿತ್ತು. ದರೋಡೆಗೆ ಸಂಚು ರೂಪಿಸುತ್ತಿದ್ದುದಾಗಿ ವಿಚಾರಣೆ ವೇಳೆಆರೋಪಿಗಳು ಒಪ್ಪಿಕೊಂಡಿದ್ದರು’ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.

‘ಆರೋಪಿಗಳೆಲ್ಲ‌ರೂ ಕೊಲೆ ಪ್ರಕರಣದಲ್ಲಿ ಜೈಲು ಸೇರಿರುವ ರೌಡಿಶೀಟರ್‌ ನಂದೀಶ ಯಾನೆ ಕೆಂಚನ ಸಹಚರರು ಎಂಬುದು ಗೊತ್ತಾಗಿದೆ. ಅವರಿಂದ ಲಾಂಗ್‌, ಕತ್ತಿ, ಕಬ್ಬಿಣದ ರಾಡ್‌ ಹಾಗೂ ಇನ್ನಿತರ ಮಾರಕಾಸ್ತ್ರಗಳನ್ನು ಜಪ್ತಿ ಮಾಡಲಾಗಿದೆ’ ಎಂದು ತಿಳಿಸಿದ್ದಾರೆ.