ಸಾಮಗಾನ ಸಭಾದಿಂದ ವಿಡಿಯೊ ಗೀತೆ

ಬೆಂಗಳೂರು: ಭಾರತೀಯ ಸಾಮಗಾನ ಸಭಾ75ನೇ ಸ್ವಾತಂತ್ರ್ಯ ದಿನದ ಅಂಗವಾಗಿ ‘ವಂದೇ ಭಾರತ ಮಾತರಂ’ ಶೀರ್ಷಿಕೆಯ ಸಂಗೀತ ಪ್ರಧಾನವಾದ ವಿಡಿಯೊ ಹೊರತಂದಿದೆ.

ಭಾರತೀಯ ಸಾಮಗಾನ ಸಭಾದ ಅಧ್ಯಕ್ಷ ಆರ್‌.ಆರ್.ರವಿಶಂಕರ್,‌‘ಕರ್ನಾಟಕ ಶಾಸ್ತ್ರೀಯ ಸಂಗೀತದಲ್ಲಿ ರಾಗ ಸಂಯೋಜನೆ ಮಾಡಲಾಗಿದೆ. ಪಿಟೀಲು ವಾದಕಿ ಎ.ಕನ್ಯಾಕುಮಾರಿ ಅವರು ಸಂಗೀತ ಸಂಯೋಜಿಸಿದ್ದಾರೆ. ‘ವಿಷ್ಟು ಪುರಾಣ’ದಲ್ಲಿ ಭಾರತ ಮಾತೆಯನ್ನು ವರ್ಣಿಸುವ ಅರ್ಥಪೂರ್ಣ ಶ್ಲೋಕವಿದ್ದು, ಅದನ್ನು ವರ್ಣಿಸುವ ದೃಶ್ಯ ಸಂಯೋಜನೆಯೂ ಇದರಲ್ಲಿದೆ’ ಎಂದು ವಿವರಿಸಿದರು.

‘ವಂದೇ ಭಾರತ ಮಾತರಂ’ ಹಾಡು ದೇಶದ ಜನರಲ್ಲಿ ರಾಷ್ಟ್ರೀಯತೆ ಭಾವ ಮೂಡಿಸುತ್ತದೆ ಹಾಗೂ ನಮ್ಮ ಶ್ರೀಮಂತ ಪರಂಪರೆಯನ್ನು ನೆನಪಿಸುವಂತಿದೆ. ಒಂದು ನಿಮಿಷದ ಈ ವಿಡಿಯೊ ಆಗಸ್ಟ್‌ 15ರಂದು ಸಾಮಗಾನ ಸಭಾದ ಯೂಟ್ಯೂಬ್‌ ವಾಹಿನಿಯಲ್ಲಿ ಬಿಡುಗಡೆಯಾಗಲಿದೆ’ ಎಂದೂ ಹೇಳಿದರು.