ಸ್ಮಾರ್ಟ್‌ಕಾರ್ಡ್‌: ಡಿಸೆಂಬರ್ 24ರವರೆಗೆ ಗುತ್ತಿಗೆ ಅವಧಿ ವಿಸ್ತರಣೆ

ಬೆಂಗಳೂರು: ಚಾಲನಾ ಪರವಾನಗಿ (ಡಿಎಲ್‌) ಮತ್ತು ವಾಹನ ನೋಂದಣಿಯ (ಆರ್‌.ಸಿ) ಸ್ಮಾರ್ಟ್‌ ಕಾರ್ಡ್‌ ವಿತರಿಸಲು ಮೆ.ರೊಸಾಮೆರ್ಟಾ ಟೆಕ್ನಾಲಜಿಸ್‌ ಕಂಪನಿಗೆ ನೀಡಿದ್ದ ಗುತ್ತಿಗೆ ಅವಧಿಯನ್ನು ಡಿಸೆಂಬರ್ 24ರವರೆಗೆ ವಿಸ್ತರಿಸಿ ಸರ್ಕಾರ ಆದೇಶಿಸಿದೆ.

ಸ್ಮಾರ್ಟ್‌ಕಾರ್ಡ್‌ ವಿತರಣೆಯ ಗುತ್ತಿಗೆ ಅವಧಿ ಸೆ.24ಕ್ಕೆ ಮುಗಿದಿತ್ತು. ಪರಿಣಾಮವಾಗಿ ಪ್ರಾದೇಶಿಕ ಸಾರಿಕೆ ಕಚೇರಿಗಳಲ್ಲಿ ಸ್ಮಾರ್ಟ್‌ಕಾರ್ಡ್‌ಗಳ ಕೊರತೆ ಉಂಟಾಗಿ, ಡಿಎಲ್‌ ಮತ್ತು ಆರ್‌ಸಿ ಹಾಗೂ ವಾಹನ ನವೀಕರಣ ಪ್ರಕ್ರಿಯೆಗಳು ವಿಳಂಬವಾಗುತ್ತಿದ್ದವು.

ಹೀಗಾಗಿ ರಾಜ್ಯ ಸರ್ಕಾರ ಗುತ್ತಿಗೆ ಅವಧಿಯನ್ನು ಮೂರು ತಿಂಗಳವರೆಗೆ ಮುಂದೂಡಿ ಆದೇಶ ಹೊರಡಿಸಿದೆ.