ಬೆಂಗಳೂರು: ಲಿಂಗರಾಜಪುರದ ಕುಕ್ ಟೌನ್ನಲ್ಲಿರುವ ಮೀನು ವ್ಯಾಪಾರಿಗೆ ಮಂಗಳೂರಿನಿಂದ ಬಾಕ್ಸ್ನಲ್ಲಿ ಪೂರೈಕೆಯಾದ 110 ಕೆ.ಜಿ ಮೀನನ್ನು ಕಳವು ಮಾಡಲಾಗಿದೆ.
ಈ ಸಂಬಂಧ ಮೀನು ವ್ಯಾಪಾರಿ ದಯಾನಂದ ಎಂಬುವರು ಪುಲಿಕೇಶಿನಗರ ಠಾಣೆಯಲ್ಲಿ ದೂರು ನೀಡಿದ್ದಾರೆ.
‘ನನ್ನ ಅಂಗಡಿಗೆ ನಿತ್ಯ ನಸುಕಿನ 4 ಗಂಟೆ ಸುಮಾರಿಗೆ ಮಂಗಳೂರಿನಿಂದ ಮೀನು ಪೂರೈಕೆಯಾಗುತ್ತದೆ. ಫೆ. 11ರಂದು ಕೂಡಾ ಮೀನಿರುವ ಬಾಕ್ಸ್ಗಳನ್ನು ಅಂಗಡಿ ಬಳಿ ಇಳಿಸಿ ಮೀನಿನ ಗಾಡಿ ಹೋಗಿದ್ದೆ. ಆದರೆ, 4.20ರ ಸುಮಾರಿಗೆ ಅದೇ ಜಾಗಕ್ಕೆ ಸ್ವಿಫ್ಟ್ ಕಾರಿನಲ್ಲಿ ಬಂದ ವ್ಯಕ್ತಿಯೊಬ್ಬ, ಕಾರಿನಿಂದ ಕೆಳಗಿಳಿದು ಬಟ್ಟೆ ಬದಲಿಸಿ ಅಂಗಡಿ ಬಳಿ ಇದ್ದ ಮೀನಿನ ಎರಡು ಬಾಕ್ಸ್ಗಳನ್ನು ಕದ್ದುಕೊಂಡು ಹೋಗಿದ್ದಾನೆ’ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.