ಬ್ಯಾರೇಜ್ ಕಾಮಗಾರಿ ವಿಳಂಬ: ಆಕ್ರೋಶ

ಔರಾದ್:ಮಾಂಜ್ರಾ ನದಿಗೆ ಅಡ್ಡಲಾಗಿ ತಾಲ್ಲೂಕಿನ ಹಾಲಹಳ್ಳಿ ಬಳಿ ನಿರ್ಮಾಣ ಹಂತದ ಬ್ರಿಜ್ ಕಮ್ ಬ್ಯಾರೇಜ್ ಕಾಮಗಾರಿ ವಿಳಂಬ ಮಾಡಲಾತ್ತಿದೆ ಎಂದು ಭಾರತೀಯ ಕ್ರಾಂತಿ ಸೇನೆ ದೂರಿದೆ.

ಕ್ರಾಂತಿ ಸೇನೆ ಅಧ್ಯಕ್ಷ ಗೋಪಾಲಸಿಂಗ್ ಠಾಕೂರ, ಬಸವರಾಜ ನಾಯಕ, ಸುಭಾಷ ಯನಗುಂದಾ, ಅನೀಲ ಪಾಂಚಾಳ, ಸಂತೋಷ ಕೋಳಿ, ಅನೀಲ ಖೇಡಕರ್, ಬಾಬು ಗೌಳಿ, ಚಾಂದಪಾಶಾ ಮತ್ತಿತರರು ಸಹಿ ಮಾಡಿದ ಮನವಿ ಪತ್ರವೊಂದು ತಹಸೀಲ್ದಾರ್ ಮತ್ತು ಜಿಲ್ಲಾಧಿಕಾರಿಗಳಿಗೆ ಸಲ್ಲಿಸಿದ್ದಾರೆ.

ತಾಲ್ಲೂಕಿನ ನೂರಾರು ಎಕರೆ ಜಮೀನಿಗೆ ನೀರುಣಿಸುವ ಮತ್ತು ಜನ ಜಾನುವಾರುಗಳಿಗೆ ಕುಡಿಯುವ ನೀರು ಪೂರೈಸುವ ನಿಟ್ಟಿನಲ್ಲಿ ನಿರ್ಮಿಸಲಾಗುತ್ತಿರುವ ಬ್ಯಾರೇಜ್ ಕಾಮಗಾರಿ ಅನಗತ್ಯವಾಗಿ ವಿಳಂಬ ಮಾಡಲಾಗುತ್ತಿದೆ.

 ಇದರಿಂದ ನದಿ ಪ್ರದೇಶದಲ್ಲಿ ಜಮೀನು ಕಳೆದುಕೊಂಡ ರೈತರು ತೊಂದರೆ ಎದುರಿಸಬೇಕಾಗಿದೆ. ಕೋಟ್ಯಾಂತರ ರೂಪಾಯಿ ಮೌಲ್ಯದ ಬ್ರಿಜ್ ಕಾಮಗಾರಿ ಶೀಘ್ರದಲ್ಲಿ ಮುಗಿಸಿ ರೈತರಿಗೆ ಅನುಕೂಲ ಮಾಡಿಕೊಡಲು ಸಂಬಂಧಪಟ್ಟ ಇಲಾಖೆಗೆ ಸೂಚನೆ ನೀಡಬೇಕು. ಇಲ್ಲವಾದಲ್ಲಿ ಭಾರತೀಯ ಕ್ರಾಂತಿರಂಗ ಬೀದಿಗಿಳಿದು ಹೋರಾಟ ಮಾಡಲಿದೆ ಎಂದು ಮನವಿಪತ್ರದಲ್ಲಿ ಉಲ್ಲೇಖಿಸಿದ್ದಾರೆ.