ಬೀದರ್‌ | ಅವಹೇಳನಕಾರಿ ಪೋಸ್ಟ್‌; ವ್ಯಕ್ತಿ ಬಂಧನ

ಚಿಟಗುಪ್ಪ (ಬೀದರ್‌): ಫೇಸ್‌ಬುಕ್‌ನಲ್ಲಿ ಅವಹೇಳನಕಾರಿ ಪೋಸ್ಟ್‌ ಮಾಡಿದ ವ್ಯಕ್ತಿಯನ್ನು ಪೊಲೀಸರು ಗುರುವಾರ ಬಂಧಿಸಿದ್ದಾರೆ.

ತಾಲ್ಲೂಕಿನ ನಿರ್ಣಾ ಗ್ರಾಮದ ಬಲವಂತ ರಾಜಪ್ಪ ಹಾಲಹಳ್ಳಿ (40) ಬಂಧಿತ ವ್ಯಕ್ತಿ. ‘ಹಂದಿ ಚಿತ್ರದ ಮೇಲೆ ‘ಅಲ್ಲಾಹು’, ಹಾಗೂ ಕುರಿಯ ಮೇಲೆ ‘ಜೈಶ್ರೀರಾಮ್‌’ ಎಂಬ ಬರಹವಿರುವ ಚಿತ್ರಗಳನ್ನು ಪೋಸ್ಟ್‌ ಮಾಡಿದ್ದ. ಇದಕ್ಕೆ ಮುಸ್ಲಿಂ ಸಮುದಾಯದ ಮುಖಂಡರು ಆಕ್ಷೇಪ ವ್ಯಕ್ತಪಡಿಸಿ ಮನ್ನಾಎಖೇಳ್ಳಿ ಠಾಣೆಗೆ ದೂರು ಕೊಟ್ಟಿದ್ದರು. ದೂರನ್ನು ಆಧರಿಸಿ ಬಂಧಿಸಲಾಗಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ. ಮನ್ನಾಎಖೇಳ್ಳಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.