ಮಹಾ ಕುಂಭಮೇಳ: ಬೀದರ್‌ ಲೋಕಸಭಾ ಕ್ಷೇತ್ರದಿಂದ ವಿಶೇಷ ರೈಲಿನ ವ್ಯವಸ್ಥೆ

ಬೀದರ್: ಉತ್ತರ ಪ್ರದೇಶದ ಪ್ರಯಾಗರಾಜ್‌ನಲ್ಲಿ ನಡೆಯುತ್ತಿರುವ ಮಹಾ ಕುಂಭಮೇಳ ನಿಮಿತ್ತ ಭಕ್ತರಿಗೆ ಬೀದರ್‌ ಲೋಕಸಭಾ ಕ್ಷೇತ್ರದಿಂದ ಪ್ರಯಾಗರಾಜ್‌ಗೆ ತೆರಳಲು ವಿಶೇಷ ರೈಲಿನ ವ್ಯವಸ್ಥೆ ಮಾಡಲಾಗಿದೆ.

ಫೆ.14ರಂದು ರೈಲು ಸಂಖ್ಯೆ 07111, ಫೆ.16ರಂದು ರೈಲು ಸಂಖ್ಯೆ 07112 ಕ್ರಮವಾಗಿ ಬೀದರ್-ದಾನಾಪುರ, ಬೀದರ್-ದಾನಾಪುರ-ಚರ್ಲಪಲ್ಲಿಗೆ ತೆರಳಲಿವೆ ಎಂದು ಸಿಕಿಂದ್ರಾಬಾದ್‌ನ ದಕ್ಷಿಣ ಮಧ್ಯೆ ರೈಲ್ವೆ ಪ್ರಕಟಣೆ ತಿಳಿಸಿದೆ.

ವಿಶೇಷ ರೈಲು ಓಡಿಸುವ ಸಂಬಂಧ ಸಂಸದ ಸಾಗರ್ ಖಂಡ್ರೆ ಜ.27ರಂದು ಸಿಕಿಂದ್ರಾಬಾದ್‌ನ ದಕ್ಷಿಣ ಮಧ್ಯೆ ರೈಲ್ವೆ ವ್ಯವಸ್ಥಾಪಕರಿಗೆ ಪತ್ರ ಬರೆದು ಮನವಿ ಮಾಡಿದ್ದರು.