ಕಾಶೆಂಪುರ: ಸಂಭ್ರಮದ ಮರಿಗೆಮ್ಮ ದೇವಿ ಜಾತ್ರೆ

ಕಾಶೆಂಪುರ(ಪಿ) (ಜನವಾಡ): ಬೀದರ್ ತಾಲ್ಲೂಕಿನ ಕಾಶೆಂಪುರ (ಪಿ) ಗ್ರಾಮದಲ್ಲಿ ಮರಿಗೆಮ್ಮ ದೇವಿ ಜಾತ್ರಾ ಮಹೋತ್ಸವ  ಮಂಗಳವಾರ ಸಂಭ್ರಮದಿಂದ ನಡೆಯಿತು.

ಗ್ರಾಮಸ್ಥರು ಬಡಿಗತನ ಕಾಯಕದಲ್ಲಿ ತೊಡಗಿಸಿಕೊಂಡವರಿಗೆ ಕಟ್ಟಿಗೆ ತುಂಡುಗಳನ್ನು ನೀಡಿದರು. ಅವರು ದೇವಿಯ ಹೊಸ ಮೂರ್ತಿಗಳನ್ನು ತಯಾರಿಸಿದರು. ಬಳಿಕ ಮೆರವಣಿಗೆಯಲ್ಲಿ ಅವುಗಳನ್ನು ಮರಿಗೆಮ್ಮ ಮಂದಿರಕ್ಕೆ ತಂದು ಪ್ರತಿಷ್ಠಾಪಿಸಿ, ವಿಶೇಷ ಪೂಜೆ ಸಲ್ಲಿಸಿದರು.

ಗ್ರಾಮ ಹಾಗೂ ಸುತ್ತಮುತ್ತಲಿನ ಗ್ರಾಮಗಳ ಭಕ್ತರು ಸರದಿ ಸಾಲಿನಲ್ಲಿ ನಿಂತು ದೇವಿ ದರ್ಶನ ಪಡೆದರು.

ಜೆಡಿಎಸ್ ರಾಜ್ಯ ಕೋರ್ ಕಮಿಟಿ ಸದಸ್ಯ ಬಂಡೆಪ್ಪ ಕಾಶೆಂಪುರ, ಪ್ರಮುಖರಾದ ಶಾಂತಲಿಂಗ ಸಾವಳಗಿ, ರಾಜಕುಮಾರ ಪೊಲೀಸ್ ಪಾಟೀಲ, ಬಾಬು ಕಾಶೆಂಪುರ, ಸಿ.ಎಂ.ನಾಗರಾಜ, ಎಂ.ಮುರಳೀಧರ, ಉಜ್ವಲ್ ಕಾಶೆಂಪುರ, ಅನಿಲ್ ಲಚ್ಚನೋರ, ಬಜರಂಗ ತಮಗೊಂಡ ಹಾಗೂ ಮೊದಲಾದವರು ಪಾಲ್ಗೊಂಡಿದ್ದರು.