ಬಸವಕಲ್ಯಾಣ: ಬಸ್‌ನ ಗಾಜು ಒಡೆದು ಪರಾರಿ

ಬಸವಕಲ್ಯಾಣ: ತಾಲ್ಲೂಕಿನ ಲಾಡವಂತಿ ಗ್ರಾಮದಲ್ಲಿ ಸೋಮವಾರ ರಾತ್ರಿ ಕೆಲ ಯುವಕರು ಮಹಾರಾಷ್ಟ್ರದ ಉಮರ್ಗಾ ಘಟಕ ಬಸ್‌ವೊಂದರ ಮುಂದಿನ ಗಾಜುಗಳಿಗೆ ಕಲ್ಲೆಸೆದು ಒಡೆದು ಪರಾರಿಯಾಗಿದ್ದಾರೆ.

ನಿತ್ಯ ಉಮರ್ಗಾದಿಂದ ಪಟ್ಟಣಕ್ಕೆ ಈ ಬಸ್‌ ಬಂದು ಹೋಗುತ್ತದೆ.

ಚಾಲಕ ಮತ್ತು ನಿರ್ವಾಹಕರು ಬಸ್ ನಿಲ್ಲಿಸಿ ಮಲಗಿದ್ದಾಗ ಮಧ್ಯರಾತ್ರಿ ಬೈಕ್ ಮೇಲೆ ಬಂದಿದ್ದ ಕಿಡಿಗೇಡಿಗಳು ಗಾಜು ಒಡೆದಿದ್ದಾರೆ. ಈ ದೃಶ್ಯ ಸಮೀಪದ ಗ್ರಾಮ ಪಂಚಾಯಿತಿ ಕಚೇರಿಯ ಸಿಸಿ ಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಈ ಬಗ್ಗೆ ಮಂಠಾಳ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಪಿಎಸ್‌ಐ ಸುವರ್ಣಾ ಮತ್ತಿತರರು ಸ್ಥಳಕ್ಕೆ ಭೇಟಿ ನೀಡಿ ಕ್ರಮ ಕೈಗೊಂಡಿದ್ದಾರೆ.