ಹಾವು ಕಚ್ಚಿ ಮಹಿಳೆ ಸಾವು

ಕಮಲನಗರ: ಹಾವು ಕಚ್ಚಿದ ಪರಿಣಾಮ ಮಹಿಳೆಯೊಬ್ಬರು ಮೃತಪಟ್ಟ ಘಟನೆ ಕಮಲನಗರ ತಾಲ್ಲೂಕಿನ ಡಿಗ್ಗಿ ಗ್ರಾಮದಲ್ಲಿ ಜರುಗಿದೆ.

ಸುವರ್ಣಾ ಪ್ರಭು ಸೂರ್ಯವಂಶಿ (45) ಸೊಯಾಬಿನ್ ಹೊಲದಲ್ಲಿ ಕಳೆ ತಗೆಯುತ್ತಿದ್ದಾದ ಕಳೆದ ಮೂರು-ನಾಲ್ಕು ದಿನಗಳ ಹಿಂದೆ ಹಾವು ಕಡಿದಿತ್ತು. ತಕ್ಷಣವೇ ಚಿಕಿತ್ಸೆಗಾಗಿ ಕಮಲನಗರ ಸಮುದಾಯ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು.

ನಂತರ ಲಾತೂರು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ನೀಡುತ್ತಿದ್ದಾಗ ಸುವರ್ಣಾ ಕೊನೆಯುಸಿರಳೆದರು.

ಬುಧವಾರ ಸ್ವಗ್ರಾಮ ಡಿಗ್ಗಿಯಲ್ಲಿ ಅಂತ್ಯ ಸಂಸ್ಕಾರ ನಡೆಯಿತು ಎಂದು ಕುಟುಂಬದ ಮೂಲಗಳು ತಿಳಿಸಿವೆ.