ಸಂತೇಮರಹಳ್ಳಿ| ನಾಲೆಗೆ ಬಿದ್ದ ಬೈಕ್: ಸವಾರ ಸಾವು

ಸಂತೇಮರಹಳ್ಳಿ: ಬೈಕ್ ಚಲಾಯಿಸುತ್ತಿದ್ದ ವ್ಯಕ್ತಿಯೊಬ್ಬರು ಕಬಿನಿ ನಾಲೆಗೆ ಆಕಸ್ಮಿಕವಾಗಿ ಬಿದ್ದು ಮೃತಪಟ್ಟಿರುವ ಘಟನೆ ಬಾಗಳಿ ಗ್ರಾಮದಲ್ಲಿ ಮಂಗಳವಾರ ನಡೆದಿದೆ.

ಲಿಂಗರಾಜು (35) ಮೃತಪಟ್ಟವರು. ಅವರು ಮೇವು ತೆಗೆದುಕೊಂಡು ಕಬಿನಿ ನಾಲೆ ರಸ್ತೆಯಲ್ಲಿ ಬರುವಾಗ ಆಯತಪ್ಪಿ ವಾಹನ ಸಮೇತ ನಾಲೆಗೆ ಬಿದ್ದಿದ್ದಾರೆ. ಲಿಂಗಣಾಪುರ ಬಳಿ ಹರಿಯುವ ಕಬಿನಿ ನಾಲೆಯಲ್ಲಿ ಬುಧವಾರ ಶವ ಪತ್ತೆಯಾಗಿದೆ. ಕುದೇರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.