ಸಂತೇಮರಹಳ್ಳಿ: ಚಿನ್ನ, ಹಣ ಕಳವು 

ಸಂತೇಮರಹಳ್ಳಿ: ಇಲ್ಲಿನ ಜನತಾ ಕಾಲೊನಿಯ ನಿವಾಸಿ ರಂಗಸ್ವಾಮಿ ಎಂಬುವರ ಮನೆಯ ಬೀಗ ಒಡೆದ ಕಳ್ಳರು ಶುಕ್ರವಾರ ಚಿನ್ನ ಹಾಗೂ ಹಣ ಕಳವು  ಮಾಡಿದ್ದಾರೆ.

ಸಂಬಂಧಿಕರ ಮನೆಗೆ ಹೋಗಿದ್ದ  ರಂಗಸ್ವಾಮಿ ವಾಪಸ್ ಬಂದಾಗ ಕೃತ್ಯ ಗಮನಕ್ಕೆ ಬಂದಿತ್ತು. ಮನೆಯಲ್ಲಿದ 24 ಗ್ರಾಂ ಚಿನ್ನ ಹಾಗೂ ₹55 ಸಾವಿರ ನಗದು ಕಳವಾಗಿದೆ.ಬೆರಳ್ಳಚ್ಚು ತಜ್ಞರು ಹಾಗೂ ಶ್ವಾನದಳ  ಘಟನೆ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಲಾಗಿದೆ. ಸಂತೇಮರಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅಪರಾಧ ಕೃತ್ಯಗಳಿಗೆ ಕಡಿವಾಣ ಹಾಕಲು ರಾತ್ರಿ ವೇಳೆಯಲ್ಲಿ ಹೆಚ್ಚು ಗಸ್ತು ನಡೆಸಬೇಕೆಂದು ನಿವಾಸಿಗಳು ಪೊಲೀಸ್‌ ಇಲಾಖೆಯನ್ನು ಒತ್ತಾಯಿಸಿದ್ದಾರೆ.