ಮಹದೇಶ್ವರಬೆಟ್ಟದಲ್ಲಿ ಅಕ್ರಮ ಮರ ಕಡಿತ: ನಾಲ್ವರ ವಿರುದ್ಧ ಪ್ರಕರಣ ದಾಖಲು

ಹನೂರು: ತಾಲ್ಲೂಕಿನ ಮಹದೇಶ್ವರ ಬೆಟ್ಟದಲ್ಲಿ ಅಕ್ರಮ ಮರಗಳ ಕಡಿತ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪ್ರಾಧಿಕಾರದ ಎಂಜಿನಿಯರ್ ಸೇರಿದಂತೆ  4 ಜನರ ವಿರುದ್ಧ ಅರಣ್ಯ ಇಲಾಖೆ ಅಧಿಕಾರಿಗಳು ಪ್ರಕರಣ ದಾಖಲಿಸಿದ್ದಾರೆ.

  ಹಿಟಾಚಿ ಚಾಲಕ ಶೇಷ ಗುರುಪಾಡು, ಜೆಸಿಬಿ ಚಾಲಕ ನಾಗರಾಜು, ಗುತ್ತಿಗೆದಾರ ಅಶೋಕ ಹಾಗೂ ಮಲೆಮಹದೇಶ್ವರ ಬೆಟ್ಟ ಕ್ಷೇತ್ರ ಅಭಿವೃದ್ಧಿ ಪ್ರಾಧಿಕಾರದ  ಎಂಜಿನಿಯರ್ ಸೆಲ್ವ ಗಣಪತಿ ಎಂಬುವವರ ವಿರುದ್ಧ  ಅರಣ್ಯ ಇಲಾಖೆ ವಿಚಾರಣೆ ಆರಂಭಿಸಿದೆ.

ಮಹದೇಶ್ವರ ಬೆಟ್ಟದ ಹಳೇ ಕಟೀರದ ಬಳಿ ರಸ್ತೆ  ವಿಸ್ತರಣೆಗಾಗಿ ಅರಣ್ಯ ಇಲಾಖೆ ಅನುಮತಿ ಇಲ್ಲದೆ 27 ಮರಗಳನ್ನು ಕಡಿಯಲಾಗಿತ್ತು. ‘ಪ್ರಾಧಿಕಾರದ ಕಾರ್ಯದರ್ಶಿ ಸೂಚನೆ ಮೇರೆಗೆ ಮರಗಳನ್ನು ಕಡಿದಿರುವುದಾಗಿ ಹಿಟಾಚಿ ಚಾಲಕ ಶೇಷ ಗುರುಪಾಡು ವಿಚಾರಣೆಯಲ್ಲಿ ಹೇಳಿಕೆ ನೀಡಿದ್ದಾರೆ’ ಎಂದು ಅರಣ್ಯಾಧಿಕಾರಿಗಳು ತಿಳಿಸಿದ್ದಾರೆ.