ಚಿಕ್ಕಲ್ಲೂರು ಸಿದ್ದಪ್ಪಾಜಿ ದೇವಸ್ಥಾನದ ಹುಂಡಿ ಎಣಿಕೆ: ₹ 64 ಲಕ್ಷ ಸಂಗ್ರಹ

ಕೊಳ್ಳೇಗಾಲ: ತಾಲ್ಲೂಕಿನ ಚಿಕ್ಕಲ್ಲೂರು ಸಿದ್ದಪ್ಪಾಜಿ ದೇವಸ್ಥಾನದ ಹುಂಡಿ ಎಣಿಕೆ ನಡೆದಿದ್ದು, ₹64.09 ಲಕ್ಷ ಸಂಗ್ರಹವಾಗಿದೆ.

ಶನಿವಾರ ಬೆಳಿಗ್ಗೆ ತಹಶೀಲ್ದಾರ್ ಬಸವರಾಜು ಹಾಗೂ ಮಠಾಧೀಶ ಜ್ಞಾನನಂದ ರಾಜೇ ಅರಸ್ ನೇತೃತ್ವದಲ್ಲಿ  ಹಳೇ ಮಠದ 2 ಹುಂಡಿ ಹಾಗೂ ಸಿದ್ದಪ್ಪಾಜಿ ದೇವಸ್ಥಾನದ 6 ಹುಂಡಿಗಳ ಎಣಿಕೆ ಕಾರ್ಯ ನಡೆದಿದೆ. ಹತ್ತು ತಿಂಗಳ ಬಳಿಕ  ಹುಂಡಿ ಎಣಿಕೆ ನಡೆದಿದೆ   ಗ್ರಾಮಾಂತರ ಪೊಲೀಸರು ಬಿಗಿ ಭದ್ರತೆ ಒದಗಿಸಿದ್ದರು.  ಉಪ ತಹಶೀಲ್ದಾರ್ ವಿಜಯಕುಮಾರ್, ಕಂದಾಯಾಧಿಕಾರಿ ರಂಗಸ್ವಾಮಿ,  ಎಸ್‌ಬಿಐ ಸಿಬ್ಬಂದಿ ಹಾಜರಿದ್ದರು.