ಬಂಡೀಪುರ: 4 ವಲಯಗಳಲ್ಲಿ ಹುಲಿಗಣತಿ

ಗುಂಡ್ಲುಪೇಟೆ: ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಶನಿವಾರದಿಂದ ಹುಲಿ ಗಣತಿ ಆರಂಭವಾಗಿದ್ದು, ಮೊದಲ ಹಂತದಲ್ಲಿ ನಾಲ್ಕು ವಲಯಗಳಲ್ಲಿ ನಡೆಯಿತು.

ಬಂಡೀಪುರ, ಗೋಪಾಲಸ್ವಾಮಿಬೆಟ್ಟ, ಕುಂದುಕೆರೆ ಮತ್ತು ಮದ್ದೂರು ವಲಯಗಳಲ್ಲಿ ಸಿಬ್ಬಂದಿ ಎಂ–ಸ್ಟ್ರೈಪ್ಸ್‌ ಆ್ಯಪ್ ಮೂಲಕ ಮಾಹಿತಿಗಳನ್ನು ಅಪ್‌ಲೋಡ್‌ ಮಾಡಿದರು.

ಮೂರು ಜನರ ತಂಡ ಪ್ರತಿವಲಯದಲ್ಲಿ ಹುಲಿ ವಾಸಕ್ಕೆ ಬೇಕಾಗುವ ಮಾಂಸಾಹಾರ ಪ್ರಾಣಿ ಮತ್ತು ದೊಡ್ಡ ಸಸ್ಯಹಾರಿ ಪ್ರಾಣಿಗಳನ್ನು ಗುರುತಿಸಿ ವಿವರಗಳನ್ನು ದಾಖಲಿಸಿದರು.