ಶಿಡ್ಲಘಟ್ಟ: ಮಳೆಗೆ ಉರುಳಿದ ಆಲದಮರ

ಶಿಡ್ಲಘಟ್ಟ: ತಾಲ್ಲೂಕಿನ ಮಾರಪ್ಪನಹಳ್ಳಿ ಗ್ರಾಮದ ರಸ್ತೆ ಬದಿಯಲ್ಲಿದ್ದ ನೂರಾರು ವರ್ಷ ಹಳೆ ಕಾಲದ ಆಲದಮರ ಗುರುವಾರ ಸಂಜೆ ಉರುಳಿ ಬಿದ್ದಿದೆ.

ಮೂರು ಮನೆಗಳು ಸೇರಿದಂತೆ ಗ್ರಾಮದ ಹಾಲು ಉತ್ಪಾದಕರ ಸಹಕಾರ ಸಂಘದ ಕಟ್ಟಡಕ್ಕೆ ಸಣ್ಣ ಪುಟ್ಟ ಹಾನಿಯಾಗಿದ್ದು, ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.

ಗ್ರಾಮದ ಮುನಿವೆಂಕಟರಾಮಯ್ಯ, ವೆಂಕಟೇಶ್ ಹಾಗೂ ಮುನೇಗೌಡರಿಗೆ ಸೇರಿದ ಮನೆ ಮೇಲೆ ಕೊಂಬೆ ಬಿದ್ದು ಸಣ್ಣಪುಟ್ಟ ಹಾನಿಯಾಗಿದೆ.

ಸಂಜೆ 5 ಗಂಟೆ ಸುಮಾರಿಗೆ ಮರಗಳು ಬಿದ್ದಿದ್ದು ಇನ್ನೊಂದು ತಾಸು ತಡವಾಗಿದ್ದರೆ ಗ್ರಾಮದ ಬಹುತೇಕರು ಹಾಲು ಡೈರಿಯ ಬಳಿ ಹಾಲು ಹಾಕಲು ಬರುತ್ತಿದ್ದರು.