ಇ– ಖಾತೆ ಅದಾಲತ್

ಗೌರಿಬಿದನೂರು: ನಗರಸಭೆ ಆವರಣದಲ್ಲಿ ಖಾತೆ ಅದಾಲತ್ ಗುರುವಾರ ಹಮ್ಮಿಕೊಳ್ಳಲಾಗಿತ್ತು. ಶಾಸಕ ಕೆ.ಎಚ್ ಪುಟ್ಟಸ್ವಾಮಿಗೌಡ ಫಲಾನುಭವಿಗಳಿಗೆ ಇ-ಖಾತೆ ವಿತರಣೆ ಮಾಡಿ ಮಾತನಾಡಿದರು.

ಖಾತಾ ಅದಾಲತ್‌ನಲ್ಲಿ ಈವರೆಗೆ 16 ಸಾವಿರ ಖಾತೆ ನೇರವಾಗಿ ಫಲಾನುಭವಿಗಳಿಗೆ ವಿತರಣೆ ಮಾಡಲಾಗಿದೆ. ಯಾರು ಸಹ ಮಧ್ಯವರ್ತಿಗಳ ಮೊರೆ ಹೋಗದೆ ನೇರವಾಗಿ ಕಚೇರಿಯಲ್ಲಿ ಅರ್ಜಿ ಸಲ್ಲಿಸಿ ಖಾತೆ ಸಕಾಲದಲ್ಲಿ ಪಡೆಯಬಹುದು ಎಂದು ತಿಳಿಸಿದರು.

ನಗರಸಭೆ ಅಧ್ಯಕ್ಷ ಲಕ್ಷ್ಮಿನಾರಾಯಣಪ್ಪ, ಉಪಾಧ್ಯಕ್ಷ ಫರೀದ್, ಪೌರಾಯುಕ್ತೆ ಡಿ.ಎಂ ಗೀತಾ, ಸದಸ್ಯರಾದ ಖಲೀಂಉಲ್ಲಾ, ರಾಜಕುಮಾರ್, ಡಿ.ಎ ಮಂಜುಳಾ, ಡಿ.ಜೆ.ಚಂದ್ರಮೋಹನ್, ಗೋಪಾಲ್, ಜಯರಾಮಯ್ಯ ಉಪಸ್ಥಿತರಿದ್ದರು.