ಆಲ್ದೂರು: ಗುಡುಗು ಸಹಿತ ಉತ್ತಮ ಮಳೆ

ಆಲ್ದೂರು: ಪಟ್ಟಣದಲ್ಲಿ ಮಂಗಳವಾರ ಅರ್ಧ ಗಂಟೆಗೂ ಹೆಚ್ಚು ಕಾಲ ಗುಡುಗು, ಮಿಂಚಿನೊಂದಿಗೆ ಉತ್ತಮ ಮಳೆಯಾಗಿದೆ.

ಹಳಿಯೂರಿನಲ್ಲಿ 2 ಇಂಚು ಬನ್ನೂರು, ತೋರಣ ಮಾವು ಗ್ರಾಮದಲ್ಲಿ 1 ಇಂಚು, ಸುತ್ತಲಿನ ಗ್ರಾಮಗಳಾದ ಕಸಿಗೆ, ಕಾರೆಮನೆ, ಕೆಸವಿನ ಹಕ್ಲು, ಸತ್ತಿಹಳ್ಳಿ ,ಯಲಗುಡಿಗೆ, ಗುಲ್ಲನ್ ಪೇಟೆ, ಬೈಗೂರು ಮುಂತಾದ ಕಡೆಗಳಲ್ಲಿ ಉತ್ತಮ ಮಳೆಯಾಗಿದೆ. ಬಿರು ಬಿಸಿಲಿನಿಂದ ಕಂಗಾಲಾಗಿದ್ದ ಜನರು, ಬೆಳೆಗಾರರು ಮಳೆಯಿಂದ ಸಂತಸಗೊಂಡಿದ್ದಾರೆ.