ಶೃಂಗೇರಿಯಲ್ಲಿ ಯುಗಾದಿ ಸಂಭ್ರಮ

ಶೃಂಗೇರಿ: ಯುಗಾದಿ ಹಬ್ಬದ ಅಂಗವಾಗಿ ಭಾನುವಾರ ಬೆಳಗಿನ ಜಾವ ಭಕ್ತರು ಶಾರದಾ ಮಠಕ್ಕೆ ತೆರಳಿ ಶಾರದಾಂಬೆಯ ವಿಶೇಷ ದರ್ಶನ ಪಡೆದರು.

ಮನೆಗಳನ್ನು ಮಾವಿನ ಎಲೆ, ರಂಗೋಲಿಯಿಂದ ಅಲಂಕರಿಸಲಾಗಿತ್ತು. ಯುಗಾದಿ ಪ್ರಯುಕ್ತ  ಆರು ರುಚಿಯ ಅಡುಗೆ ಸವಿದರು. ಬೇವು-ಬೆಲ್ಲವನ್ನು ಅಕ್ಕ ಪಕ್ಕದ ಮನೆಯವರೊಂದಿಗೆ ಹಂಚಿಕೊಂಡು ಸಂಭ್ರಮಿಸಿದರು. 

ಶೃಂಗೇರಿ ಶಾರದಾ ಮಠದಲ್ಲಿ ಉಭಯ ಗುರುಗಳಾದ ಭಾರತೀತೀರ್ಥ ಸ್ವಾಮೀಜಿ ಮತ್ತು ವಿಧುಶೇಖರ ಭಾರತಿ  ಸ್ವಾಮೀಜಿ ಶಾರದೆಗೆ ವಿಶೇಷ ಪೂಜೆ ಸಲ್ಲಿಸಿದರು. ಚಂದ್ರಮೌಳೇಶ್ವರ ಸ್ವಾಮಿಗೆ  ಪೂಜೆ ಸಲ್ಲಿಸಲಾಯಿತು.  ಸಂಜೆ ಗುರು ನಿವಾಸದಲ್ಲಿ ಚಂದ್ರಮೌಳೇಶ್ವರ ಸ್ವಾಮಿ ಪೂಜೆ ಮತ್ತು ಜನರು ಕಾಣಿಕೆ ಸಮರ್ಪಿಸಿದರು.