ಚಿತ್ರದುರ್ಗ: ಬಿರುಗಾಳಿಗೆ ಶಾಲಾ ಚಾವಣಿ ಕುಸಿತ

ಚಿತ್ರದುರ್ಗ: ಬಿರುಗಾಳಿ ಸಹಿತ ಸುರಿದ ಮಳೆಗೆ ತಾಲ್ಲೂಕಿನ ಚಿಕ್ಕೇನಹಳ್ಳಿ ಸರ್ಕಾರಿ ಪ್ರಾಥಮಿಕ ಶಾಲೆಯ ಚಾವಣಿ ಕುಸಿದಿದೆ.

ರಾತ್ರಿ ಆರಂಭವಾದ ಮಳೆಗೆ ಮೂರು ಕೊಠಡಿಗಳಿಗೆ ಹಾನಿಯಾಗಿದೆ. ಚಾವಣಿಗೆ ಹಾಕಿದ ಶೀಟುಗಳು ಹಾರಿ ಹೋಗಿವೆ. ಈಚೆಗೆ ಈ ಚಾವಣಿ ದುರಸ್ಥಿ ಮಾಡಲಾಗಿತ್ತು.

ಪಕ್ಕದ ಗ್ರಾಮ ದೊಡ್ಡಾಲಘಟ್ಟದಲ್ಲೂ ಆರು ಮನೆಗಳಿಗೆ ಹಾನಿಯಾಗಿದೆ. ಕಬ್ಬಿಣದ ತುಂಡು ಬಿದ್ದು ರಂಗಪ್ಪ ಎಂಬುವರು ಗಾಯಗೊಂಡಿದ್ದಾರೆ.

ಭಾರಮಸಾಗರ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.