ಬೀದಿಬದಿ ವ್ಯಾಪರಿಗಳಿಗೆ ₹10 ಲಕ್ಷ ಸಾಲ ನೀಡುವ ಗುರಿ

ನಾಯಕನಹಟ್ಟಿ: ಬೀದಿಬದಿ ವ್ಯಾಪಾರಸ್ಥರಿಗೆ ₹10 ಲಕ್ಷ ವ್ಯಾಪಾರ ಸಾಲ ನೀಡುವ ಗುರಿ ಹೊಂದಲಾಗಿದೆ ಎಂದು ಸಂಘದ ನಿರ್ದೇಶಕ ಡಿ.ಜಿ.ಗೋವಿಂದಪ್ಪ ಹೇಳಿದರು.

ಪಟ್ಟಣದಲ್ಲಿ ಈಚೆಗೆ ನಡೆದ ಗುರುತಿಪ್ಪೇರುದ್ರಸ್ವಾಮಿ ಸಹಕಾರ ಸಂಘದ ಸರ್ವ ಸದಸ್ಯರ ಸಭೆಯಲ್ಲಿ ಅವರು ಮಾತಾನಾಡಿದರು.

ದುಡಿಯುವ, ಕೂಲಿ ಕಾರ್ಮಿಕರ ಆರ್ಥಿಕ ಸ್ವಾವಲಂಬನೆಯ ಉದ್ದೇಶದಿಂದ 2010-11ರಲ್ಲಿ ಸಹಕಾರ ಸಂಘವನ್ನು ಸ್ಥಾಪಿಸಲಾಯಿತು. ಸಂಘದಲ್ಲಿ 499 ಸದಸ್ಯರಿದ್ದು, 50 ಸಹ ಸದಸ್ಯರಿದ್ದಾರೆ. ವಾರ್ಷಿಕ ಅಂದಾಜು ₹3 ಕೋಟಿ ಆರ್ಥಿಕ ವ್ಯವಹಾರ ನಡೆಸುತ್ತಿದೆ ಎಂದರು.

ಪದಾಧಿಕಾರಿಗಳಾದ ಎ.ಟಿ.ಬಸವರಾಜ್, ಕೆ.ಮುತ್ತಯ್ಯ, ಶ್ರೀಧರ್, ಎಚ್.ಬಿ.ತಿಪ್ಪೇಸ್ವಾಮಿ, ಸಿ.ತಿಪ್ಪೇಸ್ವಾಮಿ, ಪ್ರೇಮಕ್ಕ ನಿಂಗಣ್ಣ, ಸಣ್ಣಬೋರಮ್ಮ, ಕಾರ್ಯನಿರ್ವಹಣಾಧಿಕಾರಿ ಪಿ.ಆರ್.ಪ್ರತಿಮಾ ಇದ್ದರು.