ಮಂಗಳೂರು: ನಗರವೂ ಸೇರಿದಂತೆ ದಕ್ಷಿಣ ಕನ್ನಡ ಜಿಲ್ಲೆಯ ಹಲವೆಡೆ ಬುಧವಾರ ಬೆಳಿಗ್ಗೆ ಉತ್ತಮ ಮಳೆಯಾಗಿದೆ. ಗುಡುಗು, ಸಿಡಿಲಿನ ಆರ್ಭಟದೊಂದಿಗೆ ಆರಂಭವಾದ ಮಳೆ ಸುಮಾರು ಒಂದು ಗಂಟೆಗೂ ಅಧಿಕ ಸುರಿದಿದೆ. ಕಳೆದ ಮೂರ್ನಾಲ್ಕು ದಿನಗಳಿಂದ ಬಿಡುವು ಪಡೆದಿದ್ದ ಮಳೆ, ಬುಧವಾರ ಮತ್ತೆ ಆರಂಭವಾಗಿದ್ದು, ಮುಂಗಾರು ಮಳೆಯ ವಾತಾವರಣ ಸೃಷ್ಟಿಸಿದೆ. ದಟ್ಟವಾದ ಮೋಡ ಆವರಿಸಿದ್ದು, ಮತ್ತಷ್ಟು ಮಳೆಯಾಗುವ ಸಾಧ್ಯತೆ ಇದೆ. – ಪ್ರಜಾವಾಣಿ ಚಿತ್ರಗಳು/ಗೋವಿಂದರಾಜಜವಳಿ