ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲಾ ಯೋಗಾಸನ ಸ್ಪೋರ್ಟ್ಸ್ ಅಸೋಸಿಯೇಷನ್, ನಗರದ ಆವಿಷ್ಕಾರ ಯೋಗ ಸಂಸ್ಥೆಯ ಸಹಯೋಗದಲ್ಲಿ ಆಯೋಜಿಸಿರುವ ದಕ್ಷಿಣ ಕನ್ನಡ ಹಾಗೂ ಉಡುಪಿ ಜಿಲ್ಲಾ ಮಟ್ಟದ ಯೋಗಾಸನ ಸ್ವರ್ಧೆ ಇದೇ 16ರಂದು ಪಂಪ್ವೆಲ್ನ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸುಮುಖ ಸಭಾಭವನದಲ್ಲಿ ನಡೆಯಲಿದೆ.
16 ವಿಭಾಗಗಳಲ್ಲಿ ಸ್ಪರ್ಧೆಗಳು ನಡೆಯಲಿದ್ದುಬೆಳಿಗ್ಗೆ 9.30ಕ್ಕೆ ಆರಂಭ ಆಗಲಿದೆ. 6 ವರ್ಷದೊಳಗಿನ ಬಾಲಕ ಬಾಲಕಿಯರು, 6ರಿಂದ 10 ವರ್ಷದೊಳಗಿನ ಬಾಲಕ ಬಾಲಕಿಯರು, 11ರಿಂದ 16 ವರ್ಷದೊಳಗಿನ ಬಾಲಕ ಬಾಲಕಿಯರು, 17ರಿಂದ 25 ವರ್ಷದೊಳಗಿನ ಯುವಕ ಯುವತಿಯರು, 26ರಿಂದ 35 ವರ್ಷದೊಳಗಿನ ಪುರುಷರು, 60 ವರ್ಷದೊಳಗಿನ ಮತ್ತು 61 ವರ್ಷ ಮೇಲಿನ ಪುರುಷ–ಮಹಿಳೆಯರ ವಿಭಾಗಗಳಲ್ಲಿ ಸ್ಪರ್ಧೆಗಳು ನಡೆಯಲಿವೆ.
ಪಶ್ಚಿಮೋತ್ತಾನಾಸನ, ವೃಕ್ಷಾಸನ, ಉಷ್ಟ್ರಾಸನ, ಧನುರಾಸನ, ಸರ್ವಾಂಗಾಸನ, ಮತ್ತ್ಯಾಸನಗಳ ಪೈಕಿ ಮೂರನ್ನು ಎಲ್ಲ ವಿಭಾಗದವರು ಕೂಡ ಕಡ್ಡಾಯುವಾಗಿ ಮಾಡಬೇಕು. 2 ಐಚ್ಛಿಕ ಆಸನ ಪ್ರದರ್ಶಿಸಬೇಕು ಎಂದು ಪ್ರಕಟಣೆ ತಿಳಿಸಿದೆ.
ಮಾಹಿತಿ ಹಾಗೂ ನೋಂದಣಿಗೆ ಕುಶಾಲಪ್ಪ ಗೌಡ, ಆವಿಷ್ಕಾರ ಯೋಗ, ಗುರುಕೃಪಾ 1ನೇ ಮಹಡಿ, 5ನೇ ಅಡ್ಡರಸ್ತೆ, ಬಿಜೈ ಕಾಪಿಕಾಡ್, ಮಂಗಳೂರು (9845588740, 9591130105) ಅವರನ್ನು ಸಂಪರ್ಕಿಸುವಂತೆ ತಿಳಿಸಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.