ಕೆವೈಸಿ ಅಪ್‌ಡೇಟ್‌ ಹೆಸರಲ್ಲಿ ₹ 4.40 ಲಕ್ಷ ಆನ್‌ಲೈನ್‌ ವಂಚನೆ

ದಾವಣಗೆರೆ: ಬ್ಯಾಂಕ್‌ ಖಾತೆಯ ಕೆವೈಸಿ ಅಪ್‌ಡೇಟ್‌ ಮಾಡಬೇಕು ಎಂದು ವಂಚಿಸಿ ನಿವೃತ್ತ ಬ್ಯಾಂಕ್‌ ಮ್ಯಾನೇಜರ್‌ಗೆ ₹ 4.40 ಲಕ್ಷ ವಂಚಿಸಲಾಗಿದೆ. ತರಳುಬಾಳು ಬಡಾವಣೆಯ ಲಿಂಗರಾಜು ಎಂ.ಕೆ. ಮೋಸಕ್ಕೊಳಗಾದವರು.

‘ಆಗಸ್ಟ್‌ 27ರಂದು ಅಪರಿಚಿತ ವ್ಯಕ್ತಿ ಕರೆ ಮಾಡಿ ಕೆವೈಸಿ ಅಪ್‌ಡೇಟ್‌ ಮಾಡಬೇಕಿದೆ ಎಂದು ಆಧಾರ್‌, ಪ್ಯಾನ್‌ ಕಾರ್ಡ್‌, ಎಟಿಎಂ ಪಿನ್‌ಕೋಡ್ ಹಾಗೂ ಒಟಿಪಿ ಪಡೆದನು. ಆ ಬಳಿಕ ನನ್ನ ಬ್ಯಾಂಕ್‌ ಖಾತೆಯಿಂದ ಹಂತ ಹಂತವಾಗಿ ಹಣ ವರ್ಗಾಯಿಸಿಕೊಂಡಿದ್ದಾನೆ’ ಎಂದು ಲಿಂಗರಾಜು ದೂರು ನೀಡಿದ್ದಾರೆ.

ದಾವಣಗೆರೆ ಸಿಇಎನ್‌ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.