ಬಸವಾಪಟ್ಟಣ | ಮಳೆ: ಮನೆಗಳಿಗೆ ಹಾನಿ

ಬಸವಾಪಟ್ಟಣ: ಸಮೀಪದ ಹೊಸನಗರ ಗ್ರಾಮದಲ್ಲಿ ನಿರಂತರವಾಗಿ ಸುರಿದ ಮಳೆಯಿಂದಾಗಿ 3 ಮನೆಗಳು ಮತ್ತು ಒಂದು ಹಿಟ್ಟಿನ ಗಿರಣಿಗೆ ಹಾನಿಯಾಗಿದೆ.

ಹೊಸನಗರದ ಶಾರದಿಬಾಯಿ ಯಂಕಾನಾಯ್ಕ ಅವರ ಮನೆ, ಸರೋಜಾಬಾಯಿ ರೇಖಾನಾಯ್ಕ ಅವರ ಮನೆ, ಹಾಲಿಬಾಯಿ ತಿಪ್ಪಾನಾಯ್ಕ ಅವರ ಮನೆ ಹಾಗೂ ಸವಿತಾಬಾಯಿ ಭೀಮಾನಾಯ್ಕ ಅವರಿಗೆ ಸೇರಿದ ಹಿಟ್ಟಿನ ಗಿರಣಿಯ ಚಾವಣಿ ಹಾಗೂ ಗೋಡೆ ಕುಸಿದು ಬಿದ್ದಿದೆ.

ತಾಲ್ಲೂಕು ನೋಡಲ್‌ ಅಧಿಕಾರಿ ಸೋಮಶೇಖರ್‌, ಪಿಡಿಒ ರೇಣುಕಾ ಪ್ರಸಾದ್‌, ಗ್ರಾಮ ಲೆಕ್ಕಿಗ ಕುಮಾರನಾಯ್ಕ್‌ ಭೇಟಿ ನೀಡಿ ಪರಿಶೀಲಿಸಿದರು.