ಪ್ರಜಾವಾಣಿ ವರದಿ ಪರಿಣಾಮ| ಕಡರನಾಯ್ಕನಹಳ್ಳಿ: ಚರಂಡಿ ಸ್ವಚ್ಛತೆಗೆ ಚಾಲನೆ

ಕಡರನಾಯ್ಕನಹಳ್ಳಿ: ಗ್ರಾಮದಲ್ಲಿ ಚರಂಡಿಗಳನ್ನು ಸ್ವಚ್ಛಗೊಳಿಸುವ ಪ್ರಕ್ರಿಯೆಗೆ ಸ್ಥಳೀಯ ಗ್ರಾಮ ಪಂಚಾಯಿತಿ ಬುಧವಾರ ಚಾಲನೆ ನೀಡಿತು. 

ಮಂಗಳವಾರ ಸುರಿದ ಬಿರು ಮಳೆಗೆ ಚರಂಡಿಗಳಲ್ಲಿ ನೀರು ತುಂಬಿಕೊಂಡು, ರಸ್ತೆ ಹಾಗೂ ಮನೆಗಳಿಗೆ ನೀರು ನುಗ್ಗಿತ್ತು. ಬಹುದಿನಗಳಿಂದ ಚರಂಡಿಗಳನ್ನು ಸ್ವಚ್ಛಗೊಳಿಸುವ ಪ್ರಕ್ರಿಯೆ ನಡೆದಿರಲಿಲ್ಲ. ಈ ಬಗ್ಗೆ ‘ಪ್ರಜಾವಾಣಿ’ಯಲ್ಲಿ ಮೇ 21 ರಂದು ವರದಿ ಪ್ರಕಟವಾಗಿತ್ತು.

ಗ್ರಾಮದ ಎಲ್ಲ ಚರಂಡಿಗಳು ಸ್ವಚ್ಛವಾದರೆ ದುರ್ನಾತದಿಂದ ಮುಕ್ತಿ ಸಿಗುತ್ತದೆ. ಇದು ಇಷ್ಟಕ್ಕೇ ನಿಲ್ಲದೇ, ನಿರಂತರವಾಗಿರಬೇಕು ಎಂಬುದು ಗ್ರಾಮಸ್ಥರ ಆಗ್ರಹವಾಗಿದೆ.