ನ್ಯಾಮತಿ: ತುಂಗಾ ಮೇಲ್ದಂಡೆ ನಾಲೆ ದುರಸ್ತಿ

ಬಸವನಹಳ್ಳಿ (ನ್ಯಾಮತಿ): ಗ್ರಾಮದ ಹೊರವಲಯದಲ್ಲಿರುವ ತುಂಗಾ ಮೇಲ್ದಂಡೆ ನಾಲೆಯನ್ನು ದುರಸ್ತಿ ಮಾಡಲಾಗಿದೆ.

ಈಚೆಗೆ ನಾಲೆ ಒಡೆದು ಅಪಾರ ಪ್ರಮಾಣದ ನೀರು ಜಮೀನುಗಳಿಗೆ ಹರಿದು ಬೆಳೆ ಹಾನಿಯಾಗಿತ್ತು.

ಒಂದು ವಾರ ದುರಸ್ತಿ ಕಾರ್ಯ ನಡೆದಿದ್ದು, ಈದ ನಾಲೆಯಲ್ಲಿ ನೀರು ಹರಿಯುತ್ತಿದೆ.

‘40 ಮೀಟರ್‌ ಉದ್ದದ ನಾಲೆ ಒಡೆದ ಸ್ಥಳದಲ್ಲಿ ಕಬ್ಬಿಣ, ಸಿಮೆಂಟ್ ಹಾಕಿ, ತಾತ್ಕಾಲಿಕಾಗಿ ದುರಸ್ತಿ ಮಾಡಲಾಗಿದೆ. ಈಗ ನಾಲೆಯಲ್ಲಿ 1,600 ಕ್ಯುಸೆಕ್ ನೀರು ಹರಿಯುತ್ತಿದೆ. ಮುಂದಿನ ಬೇಸಿಗೆಯಲ್ಲಿ ಶಾಶ್ವತ ಕಾಮಗಾರಿ ಕೈಗೊಳ್ಳಲಾಗುವುದು’ ಎಂದು ತುಂಗಾ ಮೇಲ್ದಂಡೆ ಯೋಜನೆಯ ಸಹಾಯಕ ಎಂಜಿನಿಯರ್ ಕೆ.ಎಂ.ಮಂಜುನಾಥ ತಿಳಿಸಿದರು.