ಲಾರಿ ಡಿಕ್ಕಿ: ವೃದ್ದೆ ಸಾವು

ಆಳಂದ: ಪಟ್ಟಣದ ಲಾಡ್ಲೆ ಮಶಾಕ ದರ್ಗಾ ಚೌಕ್‌ ಸಮೀಪದ ಮುಖ್ಯರಸ್ತೆಯಲ್ಲಿ ಹಾದು ಹೋಗುತ್ತಿದ್ದ ವೃದ್ದೆಗೆ ಹಿಂದಿನಿಂದ ಬಂದ ಲಾರಿ ಡಿಕ್ಕಿ ಹೊಡೆದಿದ್ದರಿಂದ ಸ್ಥಳದಲ್ಲಿಯೇ ಮೃತಪಟ್ಟ ಅವಘಡ ಮಂಗಳವಾರ ನಡೆದಿದೆ.

ರಫೀಕಾ ಬೇಗಂ ಖಲೀಲ ಕಾಕರಂಬೆ ಅನ್ಸಾರಿ (60) ಮೃತಪಟ್ಟವರು. ಅನಾಥೆಯಾದ ಇವರು ದರ್ಗಾದಲ್ಲಿಯೇ ವಾಸ ಮಾಡುತ್ತಿದ್ದರು. ದರ್ಗಾದತ್ತ ಹೊರಡುವಾಗ ಲಾರಿ ಬಂದು ಡಿಕ್ಕಿ ಹೊಡೆದಿದೆ. ಲಾರಿ ಚಾಲಕ ಪರಾರಿಯಾಗಿದ್ದು, ಆಳಂದ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.