ಕಾಮಗಾರಿಗೆ ಶಾಸಕ ಪ್ರಸಾದ ಅಬ್ಬಯ್ಯ ಭೂಮಿ ಪೂಜೆ

ಹುಬ್ಬಳ್ಳಿ: ಹಳೇ ಹುಬ್ಬಳ್ಳಿಯ ಕಸಬಾಪೇಟೆ ಮುಖ್ಯರಸ್ತೆಯಲ್ಲಿರುವ ಸರ್ಕಾರಿ ಹಿರಿಯ ಪ್ರಾಥಮಿಕ ಹೆಣ್ಣು ಮಕ್ಕಳ ಶಾಲೆ ನಂ. 03ರ ಆವರಣದಲ್ಲಿ ₹10 ಲಕ್ಷ ಅನುದಾನದಲ್ಲಿ ಕೈಗೊಂಡಿರುವ ಪೇವರ್ಸ್, ಗ್ರಿಲ್ಸ್ ಅಳವಡಿಕೆ ಸೇರಿದಂತೆ ಇತರ ಅಭಿವೃದ್ಧಿ ಕಾಮಗಾರಿಗೆ ಶಾಸಕ ಪ್ರಸಾದ ಅಬ್ಬಯ್ಯ ಮಂಗಳವಾರ ಭೂಮಿಪೂಜೆ ನೆರವೇರಿಸಿದರು.

ಪಾಲಿಕೆ ಸದಸ್ಯೆ ಸುಮಿತ್ರಾ ಗುಂಜಾಳ, ಮುಖಂಡರಾದ ಮುನ್ನಾ ಮಾರ್ಕರ್, ಆರೀಫ್ ದೊಡ್ಡಮನಿ, ಸೈಯದ ಸಲೀಂ ಮುಲ್ಲಾ, ಲೋಕೇಶ ಗುಂಜಾಳ, ವಿಜಯಲಕ್ಷ್ಮಿ, ಪ್ರವೀಣ ಕೋಲೇಕರ್, ರಶ್ಮಿ ಪಾಟೀಲ, ಮಂಗಳಾ, ಗೀತಿಕಾ, ವಿವೇಕಾ, ಬಿ.ಆರ್.ಸಿ ಶಿವಳ್ಳಿಮಠ, ಮುಖ್ಯ ಶಿಕ್ಷಕಿ ವೈ.ಎಂ. ಮಾದನಶೆಟ್ಟಿ, ಎಸ್‌ಡಿಎಂಸಿ ಅಧ್ಯಕ್ಷೆ ಕಸ್ತೂರಿ ಮೂಲಿಮನಿ ಇದ್ದರು.