ಲೆಕ್ಕಪರಿಶೋಧಕರ 38ನೇ ವಾರ್ಷಿಕ ಸಮ್ಮೇಳನ 25ರಂದು

ಹುಬ್ಬಳ್ಳಿ: ‘ಲೆಕ್ಕ ಪರಿಶೋಧಕರ 38ನೇ ರಾಜ್ಯಮಟ್ಟದ ಸಮ್ಮೇಳನ ಹುಬ್ಬಳ್ಳಿಯಲ್ಲಿ ಜುಲೈ 25ರಂದು ನಡೆಯಲಿದೆ. ಆದಾಯ ತೆರಿಗೆ, ಜಿಎಸ್‌ಟಿ ಸೇರಿ ನೂತನ ಕಾಯ್ದೆಗಳ ಬಗ್ಗೆ ಚರ್ಚಿಸಲಾಗುವುದು’ ಎಂದು ಸಮ್ಮೇಳನದ ಸಮಿತಿ ಅಧ್ಯಕ್ಷ ಎಸ್‌.ಬಿ.ಶೆಟ್ಟಿ ಹೇಳಿದರು.

‘300ಕ್ಕೂ ಹೆಚ್ಚು ಲೆಕ್ಕಪರಿಶೋಧಕರು ಸಮ್ಮೇಳನದಲ್ಲಿ ಭಾಗವಹಿಸುವರು. ಇದೇ ವೇಳೆ ಭಾರತೀಯ ಲೆಕ್ಕ ಪರಿಶೋಧಕರ ಸಂಸ್ಥೆಯ ನವೀಕೃತ ಸಭಾಭವನವನ್ನೂ ಉದ್ಘಾಟಿಸಲಾಗುವುದು’ ಎಂದು ಮಂಗಳವಾರ ಸುದ್ದಿಗಾರರಿಗೆ ತಿಳಿಸಿದರು.