ಕಲಘಟಗಿ | ಕೃಷ್ಣ ಜನ್ಮಾಷ್ಟಮಿ: ಮುಸ್ಲಿಮರೂ ಭಾಗಿ 

ಕಲಘಟಗಿ: ತಾಲ್ಲೂಕಿನ ಬಮ್ಮಿಗಟ್ಟಿ ಗ್ರಾಮದ ಕೆಪಿಎಸ್ ಪೂರ್ವ ಪ್ರಾಥಮಿಕ ಶಾಲೆಯಲ್ಲಿ ಶ್ರೀಕೃಷ್ಣ ಜನ್ಮಾಷ್ಟಮಿ ಅಂಗವಾಗಿ ವಿದ್ಯಾರ್ಥಿಗಳು ಬಾಲ- ರಾಧೆ–ಕೃಷ್ಣ ವೇಷಭೂಷಣದಲ್ಲಿ ಮಿಂಚಿದರು.

ಮುಸ್ಲಿಮರೂ ತಮ್ಮ ಮಕ್ಕಳಿಗೆ ಕೃಷ್ಣ, ರಾಧೆ ವೇಷ ತೊಡಿಸಿ ಭಾವೈಕ್ಯ ಮೆರೆದರು.

ಮುದ್ದು ಮಕ್ಕಳು ರಾಧಾ- ಕೃಷ್ಣರಂತೆ ಕಂಡು ಬಂದರು. ಮಕ್ಕಳನ್ನು ನೋಡಿ ಗ್ರಾಮಸ್ಥರು ಹರ್ಷ ವ್ಯಕ್ತಪಡಿಸಿದರು.

ಕಾರ್ಯಕ್ರಮದಲ್ಲಿ ಪಾಲಕರು ಪೋಷಕರು, ಪೂರ್ವ ಪ್ರಾಥಮಿಕ ಶಾಲೆಯ ಶಿಕ್ಷಕಿಯರಾದ ನೀಲಮ್ಮ ಜವಳಿ, ಉಮಾ ಪಾಟೀಲ, ಶಾಲೆಯ ಗುರುವೃಂದ, ಎಸ್‌ಡಿಎಂಸಿ ಪದಾಧಿಕಾರಿಗಳು ಭಾಗವಹಿಸಿದ್ದರು.