ಧಾರವಾಡ ಕೃಷಿ ಮೇಳದಲ್ಲಿ ವಾಹನ ಇಳಿಸುವಾಗ ಬಿದ್ದು ವ್ಯಕ್ತಿ ಸಾವು

ಧಾರವಾಡ: ಕೃಷಿ ಮೇಳದಲ್ಲಿ ಪ್ರದರ್ಶನಕ್ಕೆ ತಂದಿರುವ ಮಿನಿ ಟ್ರಾಕ್ಟರ್ ಅನ್ನು ವಾಹನದಿಂದ ಇಳಿಸುವಾಗ ಬಿದ್ದು ಆರ್.ಪರಶುರಾಮ ಎನ್ನುವರು (58) ಮೃತಪಟ್ಟಿದ್ದಾರೆ.

ಪರಶುರಾಮ ಅವರು ತುಮಕೂರು ಜಿಲ್ಲೆಯ ಮನಸಗೇರಿ ಗ್ರಾಮದವರು.

'ವಾಹನದಿಂದ ಟ್ರಾಕ್ಟರ್ ಕೆಳಗಿಳಿಸಲು ಜೋಡಿಸಿದ್ದ ಕಂಬಿ ಮುರಿದು ಅವಘಡ ಸಂಭವಿಸಿದೆ. ಟ್ರಾಕ್ಟರ್ ಬಿದ್ದು ಪರಶುರಾಮ ಮೃತಪಟ್ಟಿದ್ದಾರೆ' ಎಂದು ಪೋಲೀಸರು ತಿಳಿಸಿದ್ದಾರೆ.