ಮೀರಜ್‌–ಹುಬ್ಬಳ್ಳಿ ರೈಲು ಸಂಚಾರ ತತ್ಕಾಲಿಕ ರದ್ದು

ಹುಬ್ಬಳ್ಳಿ: ಬೆಳಗಾವಿ ಜಿಲ್ಲೆಯ ಖಾನಾಪುರ–ಗುಂಜಿ ಮಾರ್ಗದಲ್ಲಿ ರೈಲ್ವೆ ಸಂಬಂಧಿತ ಕಾಮಗಾರಿ ನಡೆಯಲಿರುವ ಕಾರಣ ಫೆ. 4, 6, 7, 8, 9, 10 ಮತ್ತು 11ರಂದು ಮೀರಜ್‌–ಹುಬ್ಬಳ್ಳಿ ಎಕ್ಸ್‌ಪ್ರೆಸ್‌ ರೈಲಿನ ಸಂಚಾರ ರದ್ದು ಮಾಡಲಾಗಿದೆ ಎಂದು ನೈರುತ್ಯ ರೈಲ್ವೆ ತಿಳಿಸಿದೆ.

ಫೆ. 3, 6, 7, 8, 9 ಮತ್ತು 10ರಂದು ಹುಬ್ಬಳ್ಳಿ–ಮೀರಜ್ ಎಕ್ಸ್‌ಪ್ರೆಸ್‌ ಸಂಚಾರವನ್ನೂ ರದ್ದು ಮಾಡಲಾಗಿದೆ. ಫೆ. 4, 6, 7, 8, 9, 10, 11 ಮತ್ತು 12ರಂದು ಹುಬ್ಬಳ್ಳಿ–ಬಳ್ಳಾರಿ ಪ್ಯಾಸೆಂಜರ್‌ ಸಂಚಾರ ಎರಡೂ ಕಡೆಯಿಂದ ರದ್ದಾಗಿವೆ.