ಬಿಜೆಪಿ ಜೊತೆ ಹೊಂದಾಣಿಕೆಗೆ ವಿರೋಧವಿದೆ: ಜೆಡಿಎಸ್ ಮುಖಂಡ ಎನ್.ಎಚ್. ಕೋನರಡ್ಡಿ

ಹುಬ್ಬಳ್ಳಿ: 'ಬಿಜೆಪಿ ಜೊತೆ ಹೊಂದಾಣಿಕೆಗೆ ವೈಯಕ್ತಿಕವಾಗಿ ನನ್ನ ವಿರೋಧವಿದೆ. ಆದರೆ, ಪಕ್ಷದ ವರಿಷ್ಠರ ತೀರ್ಮಾನಕ್ಕೆ ಬದ್ಧನಿದ್ದೇನೆ' ಎಂದು ಜೆಡಿಎಸ್ ಹಿರಿಯ ಮುಖಂಡ ಎನ್.ಎಚ್. ಕೋನರಡ್ಡಿ ಅಭಿಪ್ರಾಯಪಟ್ಟರು.

ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, 'ಬಿಜೆಪಿ ಜೊತೆ ಈ ಹಿಂದೆ ಜೆಡಿಎಸ್ ಲವ್ ಮ್ಯಾರೇಜ್ ಮಾಡಿಕೊಂಡು ಸರ್ಕಾರ ರಚಿಸಿತ್ತು. ಆಗ ಹಿರಿಯರ ಮಧ್ಯಸ್ಥಿಕೆ ಇದ್ದಿದ್ದರೆ ಸಂಬಂಧ ಚೆನ್ನಾಗಿರುತ್ತಿತ್ತು. ಈಗ ಹಿರಿಯರ ಮಾತುಕತೆ ಮೂಲಕ ಮದುವೆ ಆಗುತ್ತಿದೆ. ಇನ್ನುಮುಂದೆ ಈ ಸಂಬಂಧ ಉತ್ತಮವಾಗಿ ಇರಲಿದೆ ಎನ್ನುವ ಭರವಸೆಯಿದೆ' ಎಂದು ವಿಶ್ವಾಸ ವ್ಯಕ್ತಪಡಿಸಿದರು.