ಧಾರವಾಡ | ವೀರಗಾಥಾ ಸ್ಪರ್ಧೆ; ಸಾನ್ವಿಗೆ ರಾಷ್ಟ್ರಮಟ್ಟದ ಗೌರವ

ಹುಬ್ಬಳ್ಳಿ: ಇಲ್ಲಿನ ವಿ.ಎಸ್. ಪಿಳ್ಳೆ ಇಂಗ್ಲಿಷ್ ಮಾಧ್ಯಮ ಶಾಲೆಯ 7ನೇ ತರಗತಿ ವಿದ್ಯಾರ್ಥಿನಿ ಸಾನ್ವಿ ಯರಗೊಪ್ಪ ರಾಷ್ಟ್ರಮಟ್ಟದ ವೀರಗಾಥಾ 5.0 ಸ್ಪರ್ಧೆಯಲ್ಲಿ ದೇಶದ 100 ಸೂಪರ್ ವಿಜೇತರ ಪೈಕಿ ಒಬ್ಬಳಾಗಿ ಹೊರಹೊಮ್ಮಿದ್ದಾಳೆ.

ಜ.24ರಂದು ದೆಹಲಿಯಲ್ಲಿ ನಡೆದ ವಿಶೇಷ ಸಮಾರಂಭದಲ್ಲಿ ಸಾನ್ವಿಗೆ ₹10 ಸಾವಿರ ನಗದು, ಪದಕ ಹಾಗೂ ಪ್ರಮಾಣಪತ್ರ ನೀಡಲಾಯಿತು. 

ವೀರಗಾಥಾ 5.0 ಸ್ಪರ್ಧೆಯಲ್ಲಿ 1.9 ಕೋಟಿಗೂ ಹೆಚ್ಚು ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಅದರಲ್ಲಿ ಆಯ್ಕೆಯಾಗಿದ್ದ ಸಾನ್ವಿ, ದೆಹಲಿಯ ಕರ್ತವ್ಯ ಪಥದಲ್ಲಿ ನಡೆದ ಗಣರಾಜ್ಯೋತ್ಸವ ಪಥಸಂಚಲನದಲ್ಲಿ ವಿಶೇಷ ಆಹ್ವಾನಿತೆಯಾಗಿ ಪಾಲ್ಗೊಂಡಿದ್ದಳು ಎಂದು ಪ್ರಕಟಣೆ ತಿಳಿಸಿದೆ.