ಹುಬ್ಬಳ್ಳಿ: ವಿಶೇಷ ಎಕ್ಸ್‌ಪ್ರೆಸ್ ರೈಲು ಉನ್ನತೀಕರಣ

ಹುಬ್ಬಳ್ಳಿ: ವಿಜಯಪುರ–ಮಂಗಳೂರು ಸೆಂಟ್ರಲ್–ವಿಜಯಪುರ ವಿಶೇಷ ಎಕ್ಸ್‌ಪ್ರೆಸ್ ರೈಲುಗಳನ್ನು (07377/07378) ನಿಯಮಿತ ಎಕ್ಸ್‌ಪ್ರೆಸ್ ಆಗಿ ಉನ್ನತೀಕರಿಸಲು ರೈಲ್ವೆ ಮಂಡಳಿ  ಅನುಮೋದನೆ ನೀಡಿದೆ. ಈ ರೈಲುಗಳು ಇನ್ನು ಮುಂದೆ ವಿಜಯಪುರ–ಮಂಗಳೂರು ಸೆಂಟ್ರಲ್–ವಿಜಯಪುರ ಎಕ್ಸ್‌ಪ್ರೆಸ್ (17377/17378) ಎಂದು ಸಂಚರಿಸಲಿವೆ.

ವಿಜಯಪುರ–ಮಂಗಳೂರು ಸೆಂಟ್ರಲ್ ಎಕ್ಸ್‌ಪ್ರೆಸ್ (17377) ರೈಲು ಸೆಪ್ಟೆಂಬರ್ 1ರಿಂದ, ಮಂಗಳೂರು ಸೆಂಟ್ರಲ್–ವಿಜಯಪುರ ಎಕ್ಸ್‌ಪ್ರೆಸ್ (17378) ರೈಲು ಸೆ.2ರಿಂದ ಸಂಚಾರ ಆರಂಭಿಸಲಿವೆ. ಸದ್ಯದ ವೇಳಾಪಟ್ಟಿ, ನಿಲುಗಡೆ, ಬೋಗಿಗಳ ಸಂಯೋಜನೆ ಮತ್ತು ನಿರ್ವಹಣಾ ಮಾದರಿಯೊಂದಿಗೆ ರೈಲುಗಳು ಸಂಚರಿಸಲಿವೆ ಎಂದು ಪ್ರಕಟಣೆ ತಿಳಿಸಿದೆ.