ಬೆಂಕಿ ಅವಘಡ: ಮಹಿಳಾ ಕಾರ್ಮಿಕರಿಬ್ಬರ ಸಜೀವ ದಹನ

ಲಕ್ಷ್ಮೇಶ್ವರ (ಗದಗ ಜಿಲ್ಲೆ): ಇಲ್ಲಿಯ ರಸ್ತೆ ಸಾರಿಗೆ ಸಂಸ್ಥೆ ಘಟಕದ ಎದುರು ಇರುವ ಗಂಗಾಧರ ಬಾಳಿಕಾಯಿ ಅವರಿಗೆ ಸೇರಿದ ಕುರುವತ್ತಿ ಬಸವೇಶ್ವರ ಕಾಟನ್ ಇಂಡಸ್ಟ್ರೀಸ್‌ನಲ್ಲಿ ಬುಧವಾರ ಸಂಭವಿಸಿದ ಬೆಂಕಿ ಅನಾಹುತದಲ್ಲಿ ಇಬ್ಬರು ಮಹಿಳಾ ಕಾರ್ಮಿಕರು ಸಾವನ್ನಪ್ಪಿದ್ದಾರೆ.

ಲಕ್ಷ್ಮೇಶ್ವರದ ಲಿಲತಾ ಕಳಕಪ್ಪ ಯಾಳಗಿ (40) ಹಾಗೂ ಶಾಂತವ್ವ ನಾಗಪ್ಪ ಜವಳಿ (45) ಮೃತಪಟ್ಟಿದ್ದಾರೆ.  ನಾಲ್ವರು ಮಹಿಳೆಯರು ಮತ್ತು ಮೂವರು ಪುರುಷ ಕಾರ್ಮಿಕರು ತೀವ್ರವಾಗಿ ಗಾಯಗೊಂಡಿದ್ದು, ಅವರನ್ನು ಸ್ಥಳೀಯ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ವಿದ್ಯುತ್ ಶಾರ್ಟ್ ಸರ್ಕೀಟ್ ಈ ದುರ್ಘಟನೆಗೆ ಕಾರಣ ಎನ್ನಲಾಗಿದೆ.