IPS Transfers: ಗದಗ ಜಿಲ್ಲೆಯ ನೂತನ ಎಸ್‌ಪಿ ಆಗಿ ರೋಹನ್‌ ಜಗದೀಶ್‌

ಗದಗ: ಜಿಲ್ಲೆಯ ನೂತನ ಪೊಲೀಸ್‌ ವರಿಷ್ಠಾಧಿಕಾರಿಯಾಗಿ ರೋಹನ್‌ ಜಗದೀಶ್‌ ನಿಯುಕ್ತಿಗೊಂಡಿದ್ದಾರೆ.

2022ರ ಡಿಸೆಂಬರ್‌ 22ರಿಂದ 2025ರ ಜುಲೈ 14ರವರೆಗೆ ಗದಗ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿಯಾಗಿದ್ದ ಬಾಬಸಾಬ್‌ ನೇಮಗೌಡ ಅವರನ್ನು ಬೆಂಗಳೂರು ನಗರದ ಉತ್ತರ ವಲಯದ ಡಿಸಿಪಿಯಾಗಿ ವರ್ಗಾವಣೆ ಮಾಡಿ ಸರ್ಕಾರ ಆದೇಶಿಸಿದೆ.

ರೋಹನ್‌ ಜಗದೀಶ್‌ 2019ನೇ ಬ್ಯಾಚ್‌ನ ಐಪಿಎಸ್‌ ಅಧಿಕಾರಿಯಾಗಿದ್ದು, ಅವರು ಈ ಹಿಂದೆ ಬೆಳಗಾವಿಯಲ್ಲಿ ಕಾನೂನು ಮತ್ತು ಸುವ್ಯವಸ್ಥೆ ವಿಭಾಗದ ಡಿಸಿಪಿಯಾಗಿ ಕಾರ್ಯನಿರ್ವಹಿಸುತ್ತಿದ್ದರು.