ಯಗಚಿ ಜಲಾಶಯದಿಂದ ನದಿಗೆ 1ಸಾವಿರ ಕ್ಯೂಸೆಕ್‌ ನೀರು

ಬೇಲೂರು: ಇಲ್ಲಿನ ಯಗಚಿ ಜಲಾಶಯದಿಂದ 1ಸಾವಿರ ಕ್ಯುಸೆಕ್ ನೀರನ್ನು ಐದು ಕ್ರಸ್ಟ್ ಗೇಟ್‌ಗಳ ಮೂಲಕ ನದಿಗೆ ಹರಿಯಬಿಡಲಾಗಿದೆ.

ಒಂದು ವಾರದಿಂದ ಯಗಚಿ ಜಲಾನಯನ ಪ್ರದೇಶಗಳಲ್ಲಿ ಉತ್ತಮ ಮಳೆಯಾಗುತ್ತಿರುವುದರಿಂದ ಜಲಾಶಯಕ್ಕೆ ನೀರು ಹರಿದು ಬರುತ್ತಿದ್ದು, ಜಲಾಶಯ ಭರ್ತಿಯಾಗಿರುವುದರಿಂದ ನೀರನ್ನು ಹೊರ ಬಿಡಲಾಗುತ್ತಿದೆ. ಈ ವರ್ಷದಲ್ಲಿ ಸತತ 2ನೇ ಭಾರಿಗೆ ನೀರು ಹೊರಬಿಡಲಾಗುತ್ತಿದೆ.

ಒಂದು ವಾರದಿಂದ 300, 500 ಕ್ಯುಸೆಕ್‌ ನೀರನ್ನು ಹೊರಬಿಡಲಾಗುತ್ತಿದೆ, ಎರಡು ದಿನದಿಂದ 1000 ಕ್ಯುಸೆಕ್‌ ಒಳಹರಿವು ಇರುವುದರಿಂದ ಅಷ್ಟೆ ಪ್ರ,ಮಾಣದ ನೀರನ್ನು ನದಿಗೆ ಹರಿಬಿಡಲಾಗುತ್ತಿದೆ. ಎಡದಂಡೆ ನಾಲೆಗೆ 150 ಕ್ಯುಸೆಕ್ಸ್ ನೀರು ಬಿಡಲಾಗುತ್ತಿದೆ ಎಂದು ಎಇಇ ರಾಮಕೃಷ್ಣ ‘ಪ್ರಜಾವಾಣಿ‘ಗೆ ತಿಳಿಸಿದರು.