ಹಾಸನ | ಸ್ಫೋಟ; ಗಾಯಾಳು ದಂಪತಿ ಸಾವು

ಆಲೂರು (ಹಾಸನ): ಎರಡು ದಿನಗಳ ಹಿಂದೆ ಪಟ್ಟಣದ ಬಿಕ್ಕೋಡು ರಸ್ತೆ ಮನೆಯಲ್ಲಿ ಅನುಮಾನಾಸ್ಪದ ಭೀಕರ ಸ್ಪೋಟದಿಂದ ಗಾಯಗೊಂಡಿದ್ದ ಸುದರ್ಶನ (32) ಮತ್ತು ಕಾವ್ಯ (27) ದಂಪತಿ ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಮಂಗಳವಾರ ತಡರಾತ್ರಿ ಮೃತಪಟ್ಟರು.

ಸ್ಫೋಟದ ತೀವ್ರತೆಗೆ ಇಬ್ಬರೂ ಗಂಭೀರವಾಗಿ ಗಾಯಗೊಂಡಿದ್ದರು. ಅಂತ್ಯಕ್ರಿಯೆ ಹಾಸನದ ಚಿತಾಗಾರದಲ್ಲಿ ನಡೆಯಿತು. ದಂಪತಿಗೆ ಹನ್ನೊಂದು ತಿಂಗಳ ಮಗು, ಪೋಷಕರು ಇದ್ದಾರೆ. ಮಾಜಿ ಶಾಸಕ ಎಚ್.ಕೆ. ಕುಮಾರಸ್ವಾಮಿ ಅವರು ಮೃತರ ಕುಟುಂಬದವರಿಗೆ ಸಾಂತ್ವನ ಹೇಳಿದರು.