ದ್ವಾರಸಮುದ್ರ ಕೆರೆಯಲ್ಲಿ ಮುಳುಗಿ ವ್ಯಕ್ತಿ ಸಾವು

ಹಳೇಬೀಡು: ಇಲ್ಲಿಯ ದ್ವಾರ ಸಮುದ್ರ ಕೆರೆಯಲ್ಲಿ ಶನಿವಾರ ಮುಳುಗಿ ವ್ಯಕ್ತಿ ಸಾವನ್ನಪ್ಪಿದ ಘಟನೆ ಸಂಭವಿಸಿದೆ.

ಬೂದಿಗುಂಡಿ ಬಡಾವಣೆಯ ನಿವಾಸಿ ಚಂದ್ರಶೇಖರ (50) ಮೃತ ವ್ಯಕ್ತಿ.

ಶುಕ್ರವಾರ ಚಂದ್ರಶೇಖರ ನಾಪತ್ತೆಯಾಗಿದ್ದರು. ಕೆರೆ ತೀರದಲ್ಲಿ ಅವರ ಪಾದರಕ್ಷೆ ಪತ್ತೆಯಾಗಿದ್ದವು. ಕೆರೆ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರಬಹುದು ಎಂದು ಶಂಕಿಸಲಾಗಿತ್ತು. ಕೆರೆಯಲ್ಲಿ ಶುಕ್ರವಾರ ಶೋಧ ಕಾರ್ಯ ನಡೆದಿತ್ತು. ಆದರೆ ಮೃತ ದೇಹ ದೊರಕಲಿಲ್ಲ. ಶನಿವಾರ ಮೃತದೇಹ ಕೆರೆ ನೀರಿನಲ್ಲಿ ತೇಲುತ್ತಿದ್ದರಿಂದ ಚಂದ್ರಶೇಖರ ಕೆರೆಯಲ್ಲಿ ಮುಳುಗಿ ಸಾವನ್ನಪ್ಪಿರುವುದು ದೃಢಪಟ್ಟಿದೆ.

ಹಳೇಬೀಡು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.