ಚಿತ್ರಮಂದಿರದಲ್ಲೇ ‘ಭೀಮಾ’ ಚಿತ್ರ ವೀಕ್ಷಿಸಿ: ಬಾಲನಟಿ ಮಿನುಗು

ಹಾಸನ: ಸದಭಿರುಚಿ, ಸಾಮಾಜಿಕ ಕಾಳಜಿಯ  ‘ಭೀಮಾ’ ಚಲನಚಿತ್ರವನ್ನು ಚಿತ್ರಮಂದಿರಗಳಲ್ಲೇ ವೀಕ್ಷಿಸಿ ಪ್ರೋತ್ಸಾಹಿಸುವಂತೆ ಬಾಲನಟಿ ಮಿನುಗು ಎಸ್. ಸಂತೋಷ್ ತಿಳಿಸಿದರು.

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬಾಲ ನಟಿಯಾಗಿ ಪ್ರಥಮ ಬಾರಿಗೆ ‘ಭೀಮಾ’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ಎರಡು ವರ್ಷಗಳ ಹಿಂದೆ ನಮ್ಮ ತಂದೆ ಸಂತೋಷ್ ಅವರ ರೆಸಾರ್ಟ್‌ಗೆ ಬಂದಿದ್ದ ದುನಿಯಾ ವಿಜಿ ಹಾಗೂ ಸ್ನೇಹಿತರಾದ ಪ್ರಶಾಂತ್ ಅವರು ಬಾಲ ನಟಿಯಾಗಿ ಮುಂದಿನ ಚಿತ್ರದಲ್ಲಿ ಅವಕಾಶ ನೀಡುವುದಾಗಿ ತಿಳಿಸಿದ್ದರು. ಅದರಂತೆ ನನಗೆ ಈ ಚಿತ್ರದಲ್ಲಿ ನಟನೆಗೆ ಅವಕಾಶ ದೊರೆತಿದ್ದು, ಚಿತ್ರ ಉತ್ತಮವಾಗಿ ಮೂಡಿ ಬಂದಿದೆ ಎಂದರು.

ಮಿನುಗು ಅವರ ತಾಯಿ ಪ್ರತಿಮಾ ಮಾತನಾಡಿ, ಮಗಳಿಗೆ ನಟನೆಯಲ್ಲಿ ಆಸಕ್ತಿ ಇತ್ತು. ಅವಳ ಆಸೆಯಂತೆ ಚಲನಚಿತ್ರದಲ್ಲಿ ಅವಕಾಶ ದೊರೆತಿದೆ. ‘ಭೀಮಾ’  ಸಮಾಜಕ್ಕೆ ಉತ್ತಮ ಸಂದೇಶ ಹೊಂದಿದೆ ಎಂದರು. ಎಚ್.ಎಸ್. ಸಂತೋಷ್ ಇದ್ದರು.