ರಾಣೆಬೆನ್ನೂರು:ಸ್ವಾತಂತ್ರ್ಯದಿನಾಚರಣೆ ಬಂದರೆ ಇಲ್ಲೊಬ್ಬರಿಗೆ ಎಲ್ಲಿಲ್ಲದ ಸಡಗರ. ಈ ಬಾರಿಯೂ ತಲೆಕೂದಲುಗಳನ್ನು ಧ್ವಜ ಸ್ತಂಭದ ಆಕಾರದಲ್ಲಿ ಕತ್ತರಿಸಿದ ದೇಶಾಭಿಮಾನ ಮೆರೆದಿದ್ದಾರೆ.
ವೃತ್ತಿಯಲ್ಲಿ ಕ್ಷೌರಿಕರಾದರೂಗೃಹ ರಕ್ಷಕ ದಳದಲ್ಲಿಕರ್ತವ್ಯ ನಿರ್ವಹಿಸುತ್ತಿರುವ ಗಾಂಧಿಗಲ್ಲಿಯ ನಿವಾಸಿ ಜಗದೀಶ ನಿಂಗಪ್ಪ ಹಡಪದ, ಪ್ರತಿ ಬಾರಿಸ್ವಾತಂತ್ರ್ಯ ಉತ್ಸವ ದಿನಾಚರಣೆಯಂದು ಹೊಸ ಬಗೆಯ ವಿಶೇಷದಿಂದ ಗಮನ ಸೆಳೆಯುತ್ತಿದ್ದಾರೆ.
ತಲೆಯ ಕೂದಲುಗಳಲ್ಲಿ ಧ್ವಜ, ಭಾರತ ನಕಾಶೆ, ಸ್ವಾತಂತ್ರ್ಯೋತ್ಸವ, ಹಿಂದೂಸ್ಥಾನ, ಜೈ ಹಿಂದ್ ಸೇರಿದಂತೆ ವಿವಿಧ ಘೊಷಣೆಗಳನ್ನು ಬರೆದು ದೇಶಾಭಿಮಾನ ಮೂಡಿಸುತ್ತಾರೆ. ಈ ಬಾರಿ ತಲೆಯ ಹಿಂಭಾಗದಲ್ಲಿ ರಾಷ್ಟ್ರಧ್ವಜ ಹಾಗೂ 75ರ ಸಂಭ್ರಮ ಎಂಬ ಶೀರ್ಷಿಕೆಯನ್ನು ಮೂಡಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.