ಕಲ್ಲುಕ್ವಾರಿ ಸ್ಪೋಟ; ಸಾಮಗ್ರಿ ವಶ

ಹಾನಗಲ್: ಎಲೆಕ್ಟ್ರಿಕಲ್‌ ಡೆಟೊನೇಟರ್‌ ಬಳಸಿ ಅನಧಿಕೃತವಾಗಿ ಕಲ್ಲುಕ್ವಾರಿಯಲ್ಲಿ ಸ್ಪೋಟಮಾಡಲು ಮುಂದಾಗಿದ್ದ ತಂಡವನ್ನು ತಾಲ್ಲೂಕಿನ ನೆಗವಣಿಗೆ ಗ್ರಾಮ ಸಮೀಪದಲ್ಲಿ ಪೊಲೀಸರು ಬಂಧಿಸಿದ್ದಾರೆ.

ಸರ್ಕಾರದ ಪರವಾನಗಿ ಪಡೆಯದೇ ಕಲ್ಲು ಕ್ವಾರಿ ಸ್ಪೋಟಿಸುವ ಹುನ್ನಾರ ನಡೆಸಿದ್ದರು. ಪೊಲೀಸರು ದಾಳಿ ನಡೆಸಿ, ಎರಡು ಟ್ರ್ಯಾಕ್ಟರ್, ಎರಡು ಇತರೆ ವಾಹನಗಳು, ಸ್ಫೋಟಕ್ಕೆ ಬಳಸಿದ್ದ ಸಾಮಗ್ರಿಗಳನ್ನು ವಶಕ್ಕೆ ಪಡೆದಿದ್ದಾರೆ. ಒಂಬತ್ತು ಮಂದಿ ವಿರುದ್ಧ ಪ್ರಕರಣ ದಾಖಲಾಗಿದೆ ಎಂದು ಸಿಪಿಐ ಶಿವಶಂಕರ ಗಣಾಚಾರಿ ಮತ್ತು ಪಿಎಸ್ಐ ಶ್ರೀಶೈಲ ಪಟ್ಟಣಶೆಟ್ಟಿ ತಿಳಿಸಿದ್ದಾರೆ.